સોનાની કિંમતમાં સતત વધારો જોવા મળી રહ્યો છે. હાલમાં તેની કિંમત 64000 રૂપિયાને પાર કરી ગઈ છે. બજારના જાણકારોનું માનવું છે કે આગામી દિવસોમાં સોનાનો ભાવ રૂ.70,000ને પાર કરી શકે છે. નિષ્ણાતોના મતે મે સુધીમાં સોનાની કિંમત 70,000 રૂપિયાને પાર કરી શકે છે. જો કે સોનાના ભાવ ભડકે બળી રહ્યાં હોવા પાછળ કેટલાક કારણો આપવામાં આવ્યા છે.એક તરફ શેરબજારમાં તેજી જોવા મળી રહી છે તો બીજી તરફ સોનુ કિંમતની દ્રષ્ટિએ નવી ઊંચાઈઓને સ્પર્શી રહ્યું છે. સામાન્ય રીતે આવું ભાગ્યે જ જોવા મળે છે, કારણ કે જ્યારે શેરબજાર ઊંચકાયેલુ હોય ત્યારે સોનાના ભાવ દબાયેલા હોય છે. મંગળવારના ટ્રેડિંગ સેશનમાં પણ સોનું 64000 રૂપિયાની ઉપર કારોબાર કરતું જોવા મળી રહ્યું છે. આવી સ્થિતિમાં, એવું માનવામાં આવે છે કે સોનામાં તેજી આગામી દિવસોમાં પણ ચાલુ રહી શકે છે. આ અમે નથી કહી રહ્યા, પરંતુ બજારના નિષ્ણાતોનું માનવું છે કે લોકસભાની ચૂંટણી બાદ સોનાની કિંમત 70 હજાર રૂપિયા પ્રતિ દસ ગ્રામ સુધી જઈ શકે છે.બજારના જાણકારોના મતે સોનાના ભાવમાં વધારો થવા પાછળ બે મહત્વના કારણો હોઈ શકે છે. પહેલુ કારણ દેશમાં સ્થિર સરકાર. બીજું કારણ યુએસ ફેડરલ રિઝર્વ. ચાલો જાણીએ કે આ બે કારણો મળીને સોનાને કઈ રીતે નવી ઊંચાઈએ લઈ જઈ શકે છે. જો નિષ્ણાતોનું માનીએ તો અમેરિકન બેંક 1 મેના રોજ વ્યાજદરમાં મોટો ઘટાડો કરી શકે છે. જેનો સંકેત ફેડ ચીફના ભાષણમાં સ્પષ્ટપણે જોઈ શકાય છે.બજારના જાણકારોના જણાવ્યા અનુસાર આગામી દિવસોમાં દેશની જીડીપી અને ફુગાવાના આંકડા વધુ સારા જોવા મળશે. જેની સીધી અસર સોનાના ભાવમાં પણ જોવા મળશે. બીજી તરફ અક્ષય તૃતીયા પણ મે મહિનામાં આવશે. આ સમયગાળા દરમિયાન પણ સોનાની માંગ વધુ હોય છે. આવી સ્થિતિમાં સોનાના ભાવમાં પણ વધારો થશે. ચાલો તમને એ પણ જણાવીએ કે સોનાની કિંમત 70 હજાર રૂપિયાના સ્તર સુધી કેવી રીતે પહોંચી શકે છે.
આ વખતે સોનું 70 હજારને પાર !
સોનું 70 હજારને પાર, આ કોઈ સૂત્ર નથી. મે મહિનામાં સોનાની કિંમત 70 હજાર રૂપિયાના સ્તરે પહોંચી શકે છે. મતલબ કે સોનાની કિંમતમાં વર્તમાન સ્તરથી રૂ. 5400 સુધીનો વધારો જોવા મળી શકે છે. આગામી ત્રણ મહિનામાં સોનાના ભાવમાં 8 ટકાથી વધુનો વધારો જોવા મળી શકે છે. હાલમાં સોનાની કિંમત 64500 રૂપિયાની આસપાસ પ્રતિ દસ ગ્રામ જોવા મળી રહી છે. ચાલુ વર્ષમાં સોનાની કિંમતમાં 1.6 ટકાનો વધારો જોવા મળ્યો છે. .
સૌથી મોટું કારણ શું છે?
સોનાની કિંમતમાં વધારો થવાનું સૌથી મોટું કારણ ફેડ દ્વારા અપેક્ષિત કાપ જણાવવામાં આવી રહ્યું છે. જેની તારીખની જાહેરાત ફેડના ચેરમેન જેરોમ પોવેલ ગુરુવારે પોતાના ભાષણમાં કરી શકે છે. નિષ્ણાતોના મતે, જેરોમ પોવેલ તેમના ભાષણમાં 1 મે તરીકે વ્યાજ દરમાં કાપની તારીખને અંતિમ સ્વરૂપ આપી શકે છે. આ ટ્રિગરને કારણે સોનાની કિંમતમાં વધારો જોવા મળી રહ્યો છે. આ ટ્રિગર આગામી દિવસોમાં ચાલુ રહી શકે છે. જેના કારણે આગામી બે સપ્તાહમાં સોનાની કિંમત 65,500ના સ્તરે પહોંચી શકે છે.
સ્થિર સરકારની આશા
મે મહિનામાં સોનાની કિંમત 70 હજાર રૂપિયા સુધી પહોંચવાની આશા છે. જ્યારે દેશમાં નવી સરકાર પણ બની જશે. જે સ્થિર રહેવાની ધારણા છે. નિષ્ણાતોના મતે, આગામી મહિનાઓમાં સ્થિર સરકાર અને આર્થિક ડેટા બંનેમાં સુધારો થવાની અપેક્ષા છે. નાણાકીય વર્ષ 2024 ના ચોથા ક્વાર્ટર અને સમગ્ર નાણાકીય વર્ષનો ડેટા એપ્રિલ અને મે મહિનામાં જ જાહેર કરવામાં આવશે. આ ઉપરાંત ફુગાવાના આંકડામાં પણ સુધારો થવાની શક્યતા છે. જેની અસર આગામી દિવસોમાં પણ સોનાની કિંમત પર જોવા મળી શકે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
