ગુજરાતમાં જ્યાં એકબાજુ દારૂબંધીની મસમોટી વાતો કરવામાં આવે છો. બીજી બાજુ ગુજરાત ભાજપનાં ધારાસભ્ય રોજ દારૂ પીતાં હોવાનો ખુલાસો થયો છે. હાલ સોશિયલ મીડિયામાં વાઈરલ થયેલી એક ઓડિયો ક્લિપમાં આ વાત સામે આવી હતી. આ ઓડિયો ક્લિપ વાઘોડિયાના MLA મધુ શ્રીવાસ્તવ અને કોંગ્રેસી નેતા અર્જુન મોઢવાડયિના નજીકનાં ગણાતા રાજુ ઓડેદરાની હોવાનું ચર્ચાઈ રહ્યું છે.
વાઘોડિયાના ધારાસભ્ય મધુ શ્રીવાસ્તવ અને રાજુ ઓડેદરા વચ્ચેની વાઈરલ થયેલી આ ઓડિયો ક્લિપમાં ભાજપના ધારાસભ્યોને તોડવાની વાત પણ સામે આવી છે. આ ઓડિયો ક્લિપમાં રાજુ ઓડેદરા મધુ શ્રીવાસ્તવને કહે છે કે, આ સરકાર તમારું કાંઈ સાંભળતી નથી. આગળ રાજુ ઓડેદરાએ કહ્યું કે, સરકાર સાંભળતી ન હોય તો ક્યાં સુધી સરકારમાં રેવાનું?
ઓડિયો ક્લિપમાં રાજુ ઓડેદરા મધુ શ્રીવાસ્તવને પુછે છે કે, મેં પણ મારી જેમ દારૂ પીધો લાગે છે. જેના જવાબમાં મધુ શ્રીવાસ્તવ કહે છે કે, હું તો રોજ દારૂ પીવું જ છું. જે બાદ દારૂની બાબતે બંને વચ્ચો બોલાચાલી અને ઝઘડો થાય છે. ઓડિયો ક્લિપ વાઈરલ થતાં ભાજપ નેતાને તોડવા કોંગ્રેસ પ્રયાસ કરી રહ્યું છે. તો આ વાઈરલ ઓડિયો ક્લિપ અંગે સંદેશ પૃષ્ટિ કરતું નથી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
