તાજેતરના મહારાષ્ટ્ર હરિયાણાના પરિણામો જોયા બાદ લાગે છે કે કોંગ્રેસ મુકત ભારતનું ભાજપનું સ્વપન એ સ્વપ્ન જ રહી જશે. કારણ કે ઘણા બધા રાજ્યોમાં ભાજપનો વોટ શેર ઘટી રહ્યો છે અને સીટો પણ ઘટી છે. રાજકીય નિષ્ણાતોનું કહેવું છે કે જો ભાજપનો ચાર ટકા વોટ શેર પણ ઘટે તો ઘણાં રાજ્યોમાં સત્તા ગુમાવવાનો કે બીજા પક્ષોની ટેકણલાકડી લેવાનો વારો આવશે.
ભાજપ માટે પાવર હાઉસ માનવામાં આવતા રાષ્ટ્રીય સ્વયં સેવક સંઘના ગઢ મહારાષ્ટ્રમાં વોટ શેર ઘટવો એ ભાજપ માટે ચિંતાનું કારણ બની શકે છે. ભાજપ અને શિવસેનાના ગઠબંધને પૂર્ણ બહુમતિનો આંકડો તો સ્પર્શી લીધો છે અને સત્તામાં વાપસી પણ કરશે. પરંતુ મતોની ટકાવારી સાથે સીટો ઘટી છે તે વાસ્તવિકતા છે. ભાજપે 2014ની ચૂંટણીમાં 28.1 ટકા મતો સાથે 122 સીટો જીતી હતી. આ વખતે પાર્ટીના મતમાં 2.4 ટકાનો ઘટાડો થયો છે તેની સાથે 15 સીટનું નુકસાન થયું છે. 2019માં ભાજપને 25.7 ટકા મત સાથે 107 સીટો જ મળી છે. તો બીજી તરફ શિવસેનાએ પણ હરખાવા જેવું નથી. 2014માં શિવસેનાને 19.5 ટકા વોટ શેર સાથે 63 સીટો મળી હતી અને 2019માં 16.41 ટકા થઇ ગયો. અને પાર્ટી સાત સીટના નુકસાન સાથે 56 સીટ જ જીતી શકી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
