કોંગ્રેસ નું સંગઠન મજબૂત થવાને બદલે દિવસે દિવસે તૂટતું જઈ રહ્યું હોય તેના વધુ બે તાજા કિસ્સાઓ સામે આવ્યા છે મહારાષ્ટ્રમાં વિધાનસભાની ચૂંટણી યોજાવા જઇ રહી છે. ત્યારે મહારાષ્ટ્ર કોંગ્રેસ દ્વારા ટિકિટ વહેંચણી મુદ્દે ભેદભાવ કર્યા હોય એવા આક્ષેપો થઇ રહ્યા છે. સિનિયર નેતા સંજય નિરૂપમ એ પાર્ટી હાઈ કમાન્ડ સામે બળાપો કાઢતા કહ્યું છે કે, મુંબઈમાં ત્રણ થી ચાર બેઠકોને બાદ કરતાં તમામ બેઠકો પર કોંગ્રેસે ઉમેદવારોની ડિપોઝીટ પણ જપ્ત થઈ જશે.
સાથે સાથે એક સ્થાનિક કોર્પોરેટરે સોનિયા ગાંધીને ઈ-મેલ કરીને ફરિયાદ કરી છે કે, પૂર્વ સાંસદ પ્રિયા દત્ત ના ભાઈ અને બોલિવૂડ અભિનેતા સંજય દત્ત ના સબંધ હજી સુધી અંડરવર્લ્ડ સાથે છે. સંજય દત્ત ના પિતા સુનીલ દત્ત ના નિધન બાદ દત્ત પરિવાર પોતાનું કોંગ્રેસમાં સન્માન ગુમાવી ચુક્યો છે. જો કોંગ્રેસ આ તમામ વાતો પર ધ્યાન નહીં આપે તો સમય વીતી ગયા પછી આ નિર્ણય પર પસ્તાવું પડશે.
કોંગ્રેસના સિનિયર નેતા સંજય નિરૂપમ એ પોતાના પસંદગીના ઉમેદવાર ની માંગણી કરી હતી. પરંતુ તેમના ઉમેદવારને ટિકિટ ફાળવવામાં ન આવતા તેમણે સોનિયા ગાંધીની સાથે રહેલા લોકો પાર્ટીને નુકસાન પહોંચાડી રહ્યા છે. તેમ કહ્યું હતું અને આવી રીતે પાર્ટી બરબાદ થઈ જશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
