ઇન્ટરપોલ (આંતરરાષ્ટ્રીય ગુનાહિત પોલીસ સંગઠન) એ સમગ્ર દુનિયાના લોકોને કોરોના વાઇરસની આડમાં ફાયદો ઉઠાવનાર સાયબર ગુનેગારો અને ઓનલાઇન ફ્રોડ કરનારાઓથી સાવધાન રહેવા કહ્યું છે.
ઇન્ટરપોલે જણાવ્યું છે કે, સર્જિકલ માસ્ક અને સેનિટાઇઝર જેવી મેડિકલ સામગ્રીને ઓનલાઇન ખરીદી કરતી વખતે ખાનગી માહિતી શક્ય હોય તેટલી ગોપની રાખવી, કારણ કે સાયબર ગુનેગારો આ સ્થિતિનો ફાયદો ઉઠાવીને નાણાકીય રીતે છેતરપિંડી કરી રહ્યા છે.
સંગઠનની સામે અત્યાર સુધી આ પ્રકારની છેતરપિંડીના 30 કેસ આવ્યા છે. આ ઘટનાની ચેઇન એશિયા અને યુરોપ સાથે જોડાયેલી છે. એક જાણકારી અનુસાર સાઇબર ગુનેગારો અત્યાર સુધી લોકોને લાખો ડોલરનું નુકસાન પહોંચાડી ચૂક્યા છે.
કોરોના વાઇરસની વૈશ્વિક મહામારીને પરિણામે સર્જિકલ માસ્ક અને સેનિટાઇઝરની ભારે માંગ બજારોમાં જોવા મળી રહી છે. આ પરિસ્થિતિમાં અનેક વેબસાઇટ અને સોશિયલ મીડિયા અકાઉન્ટ સામે આવ્યા છે જેઓ આ મેડિકલ સપ્લાયને ઓનલાઇન વેચવાનો દાવો કરી રહી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
