રાજધાની દિલ્હીમાં કોરોના વાયરસ સંક્રમણ બેકાબુ બનીને નવા નિયંત્રણો બનાવી રહ્યો છે, દિલ્હી સરકારનાં આરોગ્ય વિભાગ દ્વારા રવિવારે જારી કરવામાં આવેલા હેલ્થ બુલેટીન અનુસાર ગત 24 કલાકમાં 1295 નવા પોઝિટિવ કેસ અને 13 દર્દીઓનાં મોત બાદ કુલ કેસોની સંખ્યા 19844 પર પહોચી ગઇ છે, દિલ્હીમાં અત્યાર સુધી 473 લોકો આ રોગચાળાની ઝપેટમાં આવીને જીવ ગુમાવી ચુક્યા છે.
દિલ્હીના લેફ્ટનન્ટ ગવર્નર અનિલ બૈજલે રવિવારે કેન્દ્ર સરકારના નિર્દેશો મુજબ પાટનગરના કન્ટેન્ટ ઝોનમાં સલામતી સુનિશ્ચિત કરવા માટે જરૂરી આરોગ્ય અને અન્ય પગલાં કડક રીતે ચાલુ રાખવા સંબંધિત અધિકારીઓને નિર્દેશ આપ્યો છે.
શ્રેણીબદ્ધ ટવીટમાં તેમણે કહ્યું કે અમે દિલ્હીના મુખ્ય સચિવ, અન્ય વરિષ્ઠ અધિકારીઓ અને મ્યુનિસિપલ કમિશનરો સાથે ચાલુ કોરોના વાયરસની સ્થિતિ અને દિલ્હીમાં આરોગ્યના માળખાગત સુવિધામાં સુધારણા માટે લેવામાં આવેલા પગલાઓ અંગે બેઠક કરી હતી. સમીક્ષા કરી.
દિલ્હીનાં મુખ્ય પ્રધાન અરવિંદ કેજરીવાલ શનિવારે કહ્યું હતું કે આજે કોઇ નહીં શકે કે એક મહિના અથવા બે મહિના લોકડાઉન કરી દો કોરોનાથી મુક્તી મળશે, જો કોરોના રહેશે તો સારવારની વ્યવસ્થા કરવી પડશે, અમારી સરકાર આ સમયે કોરોનાના દર્દીઓનાં દર્દીઓનો ઇલાજ કરાવવા પર ધ્યાન આપી રહી છે.
કેજરીવાલે કહ્યું કે દિલ્હીના મુખ્યમંત્રી હોવાથી મને બે બાબતોની ચિંતા રહેશે. પ્રથમ જો દિલ્હીની અંદર કોરોનાને કારણે મૃત્યુનું પ્રમાણ વધવાનું શરૂ થાય અને બીજું ધારો કે કોરોનાનાં 10,000 દર્દીઓ છે અને અમારી પાસે 8,000 પલંગ છે, તો તે આપણા માટે ચિંતાનો વિષય છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
