હાલ તમે જાણતા હશો કે દરેક ક્ષેત્રે મંદીનો માહોલ જોવા મળી રહ્યો છે. ખાસ કરીને હીરા ઉદ્યોગ અને કાપડ ઉદ્યોગમાં પણ ભારે મંદીનો સામનો સામન્ય લોકોએ કરવો પાડી રહ્યો છે. હાલ જે મંદી છે તે અત્યાર સુધીની સૌથી ભયંકર મંદી સાબિત થઇ છે. બધી મોટી-મોટી કંપનીને પણ તેનો સામનો કરવો પડી રહ્યો છે.
ટાટા સ્ટીલ પોતાના યુરોપિયન ઓપરેશનમાં ત્રણ હજાર નોકરીઓ ઘટાડવાનો મોટો વિચાર કરી રહી છે. નબળી માગ અને ઉંચી પડતરનો સામનો કરી રહેલી સ્ટીલ કંપનીએ માહિતી આપી હતી. ભારતની સ્ટીલની જાયન્ટ કંપનીએ એક નિવેદનમાં કહ્યું છે કે જે ત્રણ હજાર કર્મચારીઓને બરતરફ કરવામાં આવશે તેમાં 75 ટકા કર્મચારીઓ ઓફિસમાં વ્હાઇટ કોલર ભૂમિકા ભજવી રહ્યાં છે. કંપનીએ એક નિવેદનમાં કહ્યું છે કે આ માહિતી યુરોપિયન વર્ક્સ કાઉન્સિલ સિલેક્ટ કમિટીને પણ આપવામાં આવી છે. ઉલ્લેખનીય છે કે અમેરિકા અને ચીન વચ્ચેના વેપાર યુદ્ધને કારણે સમગ્ર વિશ્વમાં સ્ટીલની માંગ ખુબ ઘટી છે.
ટાટા સ્ટીલ યુરોપે એક નિવેદનમાં જણાવ્યું છે કે માર્ચ, 2021માં પૂરા થનારા નાણાકીય વર્ષથી કંપનીના પરિણામોમાં સુધારો જોવા મળશે. કંપનીએ વધુમાં જણાવ્યું છે કે કંપનીની નાણાકીય સ્થિતિ સુધારવા માટે ખર્ચમાં ઘટાડો કરવા કર્મચારીઓની સંખ્યા ઘટાડવાનો નિર્ણય લેવામાં આવ્યો છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
