તારક મહેતા કા ઉલ્ટા ચશ્મા’ (Taarak Mehta Ka Ooltah Chashmah) સિરિયલે અનેક રેકોર્ડ તોડી નાંખ્યા છે. આ સિરિયલ ટીવીની સૌથી લોકપ્રિય સિરિયલોમાં સામેલ છે. ઘણા વર્ષોથી લોકોને પેટ પકડીને હસાવતી તારક મહેતા કા ઉલ્ટા ચશ્મા જેઠાલાલના (Jethalal) કારણે એવરગ્રીન લાગે છે. જેઠાલાલનું પાત્ર ઘરે ઘરે જાણીતું બની ગયું છે. ત્યારે જેઠાલાલ બનીને લોકોના હૃદયમાં સ્થાન મેળવનાર દિલીપ જોશી (Dilip Joshi) આજે પોતાનો 53મો જન્મદિવસ મનાવી રહ્યા છે. દિલીપ જોશી માત્ર સિરિયલમાં જ નહીં, ફિલ્મોમાં પણ પોતાનો જાદુ પાથરી ચુક્યા છે.
સલમાન ખાનની જાણીતી ફિલ્મ મૈને પ્યાર કિયાથી દિલીપ જોશીના કરીયરનો પ્રારંભ થયો હતો. આ ફિલ્મમાં દિલીપ જોશી રસોઈયાની ભૂમિકામાં જોવા મળ્યા હતા. આ ફિલ્મ સલમાન ખાન અને ભાગ્યશ્રીની પ્રથમ ફિલ્મ હતી. દિલીપ જોષીએ પોતાની એક્ટિંગથી લોકોને અભિભૂત કરી દીધા હતા.
હમ આપકે હૈ કૌન ; સલમાન ખાન સાથે દિલીપ જોષીએ અન્ય એક ફિલ્મ હમ આપકે હૈ કોનમાં પણ કામ કર્યું હતું. આ ફિલ્મમાં માધુરી દીક્ષિત પણ હતી. તેમણે માધુરી દીક્ષીતના ભાઈ ભોલા પ્રસાદનું પાત્ર ભજવ્યું હતું. જોકે, તેમણે ધાર્યું તેટલો પ્રેમ લોકો તરફથી મળ્યો નહીં.
ફિર ભી દિલ હૈ હિન્દુસ્તાની ; શાહરુખ ખાનની ફિલ્મ ફિર ભી દિલ હૈ હિન્દુસ્તાનીમાં પણ દિલીપ જોશી જોવા મળ્યા હતા. જેમાં તેમણે પપ્પુના જુનિયર આસિસ્ટન્ટની ભૂમિકા ભજવી હતી. આ ફિલ્મમાં જુહી ચાવલા, પરેશ રાવલ અને જોની લીવર મુખ્ય ભૂમિકામાં હતા.
ફિલ્મોમાં નસીબે સાથ આપ્યો નહીં, તો તેઓ ટીવી તરફ વળ્યાં. તેમણે શુભ મંગલ સાવધાન, યે દુનિયા હૈ રંગીન અને ક્યા બાત હૈ જેવી સીરીયલમાં કામ કર્યું હતું. પરંતુ લોકોના દિલો પર રાજ કરવામાં તેઓ સફળ ન રહ્યા. થોડા સમય પછી તેમણે તારક મહેતા કા ઉલ્ટા ચશ્મામાં કામનો પ્રારંભ કર્યો, જેમાં તેમને જેઠાલાલ નું પાત્ર મળ્યું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
