મેનહટનની ફેડરલ કોર્ટમાં એક ફોજદારી ફરિયાદમાં આરોપ લગાવવામાં આવ્યો કે ઈરાનના અર્ધલશ્કરી રિવોલ્યુશનરી ગાર્ડના એક અધિકારીએ ભાડાના શૂટરને ટ્રમ્પ પર નજર રાખવા અને તેને મારી નાખવાની યોજના બનાવવાની સૂચના આપી હતી.
અમેરિકી ન્યાય વિભાગે રાષ્ટ્રપતિની ચૂંટણી પહેલા ડોનાલ્ડ ટ્રમ્પની હત્યાના કાવતરા પાછળ ઈરાનનો હાથ હોવાનો આરોપ લગાવ્યો છે. મેનહટનની ફેડરલ કોર્ટમાં શુક્રવારે દાખલ કરવામાં આવેલી ફોજદારી ફરિયાદમાં આરોપ લગાવવામાં આવ્યો કે સપ્ટેમ્બરમાં ઈરાનના અર્ધલશ્કરી રિવોલ્યુશનરી ગાર્ડના એક અધિકારીએ ભાડાના શૂટરને ટ્રમ્પ પર નજર રાખવા અને તેને મારી નાખવાની યોજના બનાવવાની સૂચના આપી હતી. ફરિયાદમાં કહેવામાં આવ્યું છે કે ફરહાદ શાકેરી નામના વ્યક્તિને ટ્રમ્પની હત્યાની જવાબદારી સોંપવામાં આવી હતી, જે ઈરાનના સરકારી કર્મચારી હતા.
ફરિયાદમાં જણાવાયું છે કે શાકેરીએ ઈરાનમાં એફબીઆઈ એજન્ટો સાથે રેકોર્ડ કરેલી ફોન વાતચીતમાં કથિત કાવતરાની કેટલીક વિગતોનો ખુલાસો કર્યો. તેણે તપાસકર્તાઓને કહ્યું કે તેના સહયોગનું કથિત કારણ યુએસમાં જેલના સળિયા પાછળના એક સહયોગીની સજા ઘટાડવાનું હતું.
અફઘાન નાગરિકને આપ્યો હતો હત્યાનો કોન્ટ્રાક્ટ
શાકેરી એક અફઘાન નાગરિક છે જે બાળપણમાં યુનાઇટેડ સ્ટેટ્સમાં આવીને વસી ગયો હતો, પરંતુ લૂંટના આરોપમાં 14 વર્ષ જેલમાં વિતાવ્યા પછી તેનો દેશનિકાલ કરવામાં આવ્યો હતો. તે હવે ભાડા પર હત્યાના કાવતરાં માટે તેહરાન દ્વારા ભરતી કરાયેલા ગુનેગારોનું એક નેટવર્ક ચલાવે છે. મેનહટનની ફેડરલ કોર્ટમાં ખોલવામાં આવેલી એક ફોજદારી ફરિયાદ મુજબ, શાકેરીએ તપાસકર્તાઓને ફોન પર કહ્યું હતું કે ઈરાનના અર્ધલશ્કરી રિવોલ્યુશનરી ગાર્ડના એક સંપર્કે તેને ગયા સપ્ટેમ્બરમાં તેના અન્ય કામને બાજુ પર રાખવા અને સાત દિવસ સુધી ટ્રમ્પ પર નજર રાખવા અને તેમને મારી નાખવાની યોજના બનાવવાની સૂચના આપી. આ માટે તેને મોટી રકમ ઓફર કરવામાં આવી હતી.
ચૂંટણી બાદ ફરી ઘટનાને અંજામ આપવાનો હતો પ્લાન
શાકેરીએ જણાવ્યું કે તેણે આના પર ઘણા પૈસા ખર્ચ્યા છે. ઈરાની અધિકારીએ તેમને કહ્યું કે પૈસાની કોઈ સમસ્યા નથી. પરંતુ જો તે સાત દિવસની અંદર કોઈ યોજના ન બનાવી શક્યો, તો ચૂંટણી પછી ષડ્યંત્ર અટકાવી દેવામાં આવશે કારણ કે અધિકારીએ માની લીધું હતું કે ટ્રમ્પ હારી જશે અને પછી તેને મારવાનું સરળ બનશે. ફરિયાદ મુજબ, જો કે અધિકારીઓને જાણવા મળ્યું કે તેણે આપેલી કેટલીક માહિતી ખોટી હતી, પરંતુ ટ્રમ્પની હત્યાનું કાવતરા અને ઈરાન દ્વારા મોટી રકમ ચૂકવવાની તૈયારી અંગેના તેના નિવેદનો સાચા હોવાનું જણાયું.
ઈરાની-અમેરિકન પત્રકારની પણ હત્યાનું કાવતરું ઘડ્યું હતું
શાકેરી ફરાર છે અને ઈરાનમાં જ છે. આ આરોપમાં અન્ય બે લોકોની ધરપકડ કરવામાં આવી હતી. જેમણે આરોપ લગાવ્યો હતો કે શાકેરીએ અગ્રણી ઈરાની-અમેરિકન પત્રકાર મસીહ અલીનેજાદનો પીછો કરવા અને હત્યા કરવા માટે તેમની ભરતી કરી હતી. જોકે ષડયંત્રને નિષ્ફળ કરી દેવામાં આવ્યું. એક અહેવાલમાં એલિનજાદે ટાંકીને કહેવામાં આવ્યું કે, ‘હું ખૂબ જ આશ્ચર્યચકિત છું, મારી સામે આ ત્રીજો પ્રયાસ છે અને તે ચોકાવનારો છે.’ સોશિયલ મીડિયા પ્લેટફોર્મ પરની એક પોસ્ટમાં તેમણે કહ્યું, “હું અભિવ્યક્તિની આઝાદીના પોતાના પહેલા સંશોધનના અધિકારનો અભ્યાસ કરવા માટે અમેરિકા આવી છું – હું મરવા નથી માંગતી. હું અત્યાચાર સામે લડવા માંગુ છું, અને હું સુરક્ષિત રહેવાની હકદાર છું. મારી સલામતી માટે કાયદાના અમલીકરણનો આભાર, પરંતુ હું યુએસ સરકારને અમેરિકાની રાષ્ટ્રીય સુરક્ષાનું રક્ષણ કરવા વિનંતી કરું છું.”
13 જુલાઈએ પણ ટ્રમ્પની રેલી દરમિયાન થયું હતું ફાયરિંગ
જણાવી દઈએ કે ડોનાલ્ડ ટ્રમ્પ ફરી એકવાર અમેરિકાના રાષ્ટ્રપતિ બની ગયા છે. તેમણે કમલા હેરિસને હરાવીને ઐતિહાસિક જીત નોંધાવી છે. આવી સ્થિતિમાં ન્યાય વિભાગ દ્વારા તેમના પર હુમલાના કાવતરાનો ઘટસ્ફોટ ચોંકાવનારો છે. જોકે, આ પહેલીવાર નથી કે જ્યારે તેમના પર હુમલાનું કાવતરું ઘડવામાં આવ્યું હોય. આ વર્ષે ચૂંટણી પ્રચાર દરમિયાન, 13 જુલાઈએ, પેન્સિલવેનિયાના બટલર શહેરમાં એક ચૂંટણી રેલી દરમિયાન તેમના પર ગોળીબાર થયો હતો, જેમાં એક ગોળી તેમના કાન પાસેથી નીકળી હતી. આ ઘટનાના લગભગ 64 દિવસ બાદ ફરી એકવાર તેમના પર હુમલો કરવાનો પ્રયાસ કરવામાં આવ્યો હતો. તે સમયે ટ્રમ્પ ફ્લોરિડામાં પામ બીચ કાઉન્ટીના ઇન્ટરનેશનલ ગોલ્ફ ક્લબમાં હાજર હતા.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
