સોમવારથી સંસદનું ચોમાસું સત્ર શરૂ થઈ ગયુ છે. કોરોના કાળની બીજી લહેર ખતમ થવાના અણસાર વચ્ચે શરૂ થયેલું આ સત્ર ધમાકેદાર રહેવાનો અંદાજ પહેલે જ હતો. સંસદમાં પ્રથમ દિવસે જ ભારે હોબાળો થયો. પહેલા દિવસે સરકારે જાણકારી આપી છે કે, છેલ્લા પાંચ વર્ષમાં દેશનું વિદેશુ દેવામાં કેટલો વધારો થયો છે. સરકાર તરફથી તેમની નીતિઓ વિશે પણ જણાવ્યુ હતું કે, વિદેશી દેવાને ઓછુ કરવા માટે તેમની કઈ નીતિ પ્રભાવિ સાબિત થઈ છે.
સવાલ- પાંચ વર્ષમાં દેશ પર કેટલુ વિદેશી દેવું વધ્યું, શું જાણકારી છે સરકાર પાસે ;
જેના જવાબમાં નાણા રાજ્ય મંત્રી પંકજ ચૌધરીએ રિઝર્વ બેંક ઓફ ઈન્ડિયાના આંકડાનો હવાલો આપતા સદનમાં જણાવ્યું હતું કે, દેશ પર કેટલો નાણાકીય બોજ છે. તેમણે કહ્યુ હતું કે, વર્ષ 2021માં માર્ચ મહિનો ખતમ થયો ત્યાં સુધીમાં વિદેશી દેવુ 570 અબજ ડોલર હતું. આ દેવુ કુલ જીડીપીના 21.1 ટકા છે.
વર્ષ 2020માં આ આંકડો 558 અબજ ડોલર હતો. વર્ષ 2019માં 543, વર્ષ 2018માં 539 અને 2017માં દેશ પર 471 અબજ ડોલર વિદેશી દેવુ હતું. આરબીઆઈના જણાવ્યા અનુસાર ભારતીય રૂપિયો અને યુરો, એસડીઆર અને પાઉંડ સ્ટર્લિંગ જેવી મુખ્ય મુદ્રાઓની સરખામણીએ અમેરિકી ડોલરની કિંમત ઘટવાના કારણે દેવાના મૂલ્યાંકનમાં 6.8 અબજ ડોલરની કમી થઈ છે.
શું કહે છે આરબીઆઈ ;
આરબીઆઈના જણાવ્યા મુજબ, જો વેલ્યુએશન અસરને દૂર કરવામાં આવે તો માર્ચ 2020 ની તુલનામાં માર્ચ 2021 માં દેવા ભારમાં $ 4.77 અબજ ડોલરની વૃદ્ધિ થઈ છે, જે 11.5 અબજ ડોલરની તુલનામાં છે. સરકારના જણાવ્યા અનુસાર યુએસ ડોલરનું વર્ચસ્વનું દેવું એ ભારતના વિદેશી દેવા માટેનું સૌથી મોટું કારણ છે. તેનો શેર 52.1 ટકા હતો. નાણાં રાજ્યમંત્રી પંકજ ચૌધરીના જણાવ્યા અનુસાર માર્ચ 2017 અને 2021 માં ભારત પરનું વિદેશી દેવું વધ્યું છે. તેના સૌથી મોટા વ્યાપારી વ્યવહારો ટૂંકા ગાળાની લોન અને દ્વિપક્ષીય લોન છે. તેમણે કહ્યું કે દેવાની વ્યવસ્થાપનની સરકારની નીતિને કારણે તેણે લોનના દરને નિયંત્રિત કરવામાં મદદ કરી છે. સતત વધતું દેવું એ ચિંતાનો વિષય છે.
ભારત અન્ય દેશોને લોન આપે છે ;
છેલ્લા કેટલાક વર્ષોમાં ભારત દ્વારા કેટલાક દેશોને મદદ કરવા માટે લોન આપવાની નીતિ શરૂ કરવામાં આવી છે. નાણાકીય વર્ષ 2013-14માં, વિવિધ દેશોને 11 અબજ ડોલરની લોન આપવામાં આવી હતી, જે નાણાકીય વર્ષ 2018-19માં વધીને 7267 કરોડ રૂપિયા થઈ ગઈ છે.તે જ સમયે, 2019-20માં આ આંકડો વધીને 9069 કરોડ રૂપિયા થયો છે. જોકે, ભારત એશિયા, આફ્રિકા અને લેટિન અમેરિકાના દેશોને મોટાભાગની લોન આપે છે, જે આર્થિક રીતે નબળા છે.
https://www.youtube.com/watch?v=5asEQM2PLcs
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
