યુરિક એસિડ વધવાથી શરીરમાં સાંધાનો દુખાવો વધે છે. જેના કારણે ઉઠવા-બેસવામાં પણ તકલીફ થાય છે. આવી સ્થિતિમાં આ સમસ્યાથી પીડિત લોકોએ તેમના આહારમાં આ ફળનો ઉપયોગ કરવો જોઈએ.
શરીરમાં યુરિક એસિડની માત્રામાં વધારો થવાની સ્થિતિને હાઇપર્યુરિસેમિયા કહેવામાં આવે છે. યુરિક એસિડ વધવાને કારણે શરીરના સાંધામાં ભારે દુખાવો થાય છે. ઘૂંટણનો દુખાવો એટલો વધી જાય છે કે ઉઠવું અને બેસવું પણ મુશ્કેલ થઈ જાય છે, આવી સ્થિતિમાં આ સમસ્યાથી પીડિત લોકોએ એવા ખોરાકનું સેવન કરવું જોઈએ જેમાં વિટામિન, મિનરલ્સ અને પ્રોટીન ભરપૂર માત્રામાં હોય.
તમે પપૈયા દ્વારા પણ યુરિક એસિડને નિયંત્રિત કરી શકો છો. પપૈયામાં વિટામિન સી ભરપૂર માત્રામાં હોય છે, તેથી તે કુદરતી રીતે યુરિક એસિડના ઊંચા સ્તરને ઘટાડવામાં મદદ કરે છે. મોટાભાગના અભ્યાસો દર્શાવે છે કે દરરોજ 500 મિલિગ્રામ વિટામિન સી લેવાથી લોકોને ગાઉટના દુખાવામાં મદદ મળી શકે છે.
કાચા પપૈયામાં વિટામીન સી, એન્ટી ઓક્સીડેન્ટ અને એન્ટી ઈન્ફ્લેમેટરી જેવા ગુણ હોય છે. પપૈયામાં હાજર ફાઇબર યુરિક એસિડના દર્દીઓને સાંધાના દુખાવામાં રાહત અપાવવામાં મદદ કરે છે. કાચા પપૈયાને નેચરલ પેઈનકિલર પણ કહેવામાં આવે છે. કારણ કે તેમાં પેપેઈન નામનું એન્ઝાઇમ હોય છે, તે શરીરમાં સાયટોકાઈન નામના પ્રોટીનનું ઉત્પાદન વધારે છે.
શરીરમાં યુરિક એસિડની માત્રાને નિયંત્રિત કરવા માટે, તમે વિવિધ રીતે પપૈયાનું સેવન કરી શકો છો. તમે કાચા પપૈયાનો રસ અને ઉકાળો પણ બનાવીને પી શકો છો. કાચા પપૈયાનો ઉકાળો સ્વાસ્થ્ય માટે ખૂબ જ ફાયદાકારક છે.
ઉકાળો બનાવવા માટે, 2 લિટર પાણી ઉકાળો. ત્યાર બાદ એક કાચા પપૈયાને નાના-નાના ટુકડા કરી લો અને તેની અંદરથી બીજ કાઢી લો. આ ટુકડાઓને ઉકળતા પાણીમાં નાંખો અને લગભગ 5 મિનિટ સુધી ઉકાળો. પછી આ પાણીમાં 2 ચમચી ગ્રીન ટી નાખીને ઉકાળો. દિવસમાં 3 થી 4 વખત આ ઉકાળો ખાવાથી ફાયદો થાય છે. આ તમારા શરીરમાં યુરિક એસિડની માત્રાને નિયંત્રિત કરશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
