પુત્રીની ફોન પર સતત વાતચીતથી પિતાને એટલો ગુસ્સો આવ્યો કે તેણે 17 વર્ષની છોકરીનું ગળું દબાવીને હત્યા કરી નાખી સમગ્ર ઘટના હૈદરાબાદની છે અહીં રવિવારે ફોન પર વાત કરવા બદલ એક વ્યક્તિએ તેની સાવકી દીકરીની હત્યા કરી નાખી અને આ જાણકારી સ્થાનિક પોલીસે આપી છે.
મળતી માહિતી મુજબ, રવિવારે રાત્રે લગભગ 1 વાગ્યે હૈદરાબાદના મુશેરાબાદમાં એક સગીર છોકરીને તેના સાવકા પિતાએ ફોન પર કોઈની સાથે વાત કરતી જોઈ હતી અને રાત્રે તેણીને અન્ય કોઈ સાથે વાત કરતી જોઈને પિતા ગુસ્સે થઈ ગયા, ત્યારબાદ તે વ્યક્તિએ સાવકી પુત્રીની હત્યા કરી નાખી.
પોલીસના જણાવ્યા અનુસાર, મોટી બહેને સાવકા પિતાને રોકવાનો ઘણો પ્રયાસ કર્યો પરંતુ તેણે તેને પણ ધક્કો મારીને દૂર કરી દીધો તેમજ ફોન પર વાત કરતી સાવકી દીકરીને બીજા રૂમમાં લઈ જઈ તેનું ગળું દબાવી દીધું.
આરોપી સાવકા પિતાની ઓળખ મોહમ્મદ તૌફિક તરીકે થઈ છે. મુશીરાબાદના પોલીસ ઈન્સ્પેક્ટર જહાંગીર યાદવના જણાવ્યા અનુસાર, મુશીરાબાદના બક્રમમાં રહેતા મોહમ્મદ તૌફીકે તેની સાવકી પુત્રીને સવારે લગભગ 1 વાગ્યાની આસપાસ ફોન પર વાત કરતી જોઈ અને તરત જ ફોન છીનવી લીધો અને તેને માર માર્યો અને આ પછી યુવતીને ફોન અનલોક કરવાનું કહેવામાં આવ્યું, પરંતુ તેણે ફોન અનલોક કરવાની ના પાડી દીધી અને આ બાબતે મારામારી થઈ.
આ પછી ઝઘડો એટલો વધી ગયો કે તૌફીકે લગભગ 3 વાગે યાસ્મીન ઉન્નિસાનું ગળું દબાવીને હત્યા કરી દીધી અને સવારે 6 વાગે પોલીસ સમક્ષ આત્મસમર્પણ કર્યું અને પોલીસે મામલામાં કેસ નોંધી લાશને પોસ્ટમોર્ટમ માટે મોકલી આપી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
