બોલરોના શાનદાર પ્રદર્શન બાદ, રાહુલ તેવટિયાની છેલ્લી ઓવરમાં 24 બોલમાં 40 રનની શાનદાર ઇનિંગને કારણે ગુજરાત ટાઇટન્સે IPLમાં બે નવી ટીમો સામેની મેચમાં લખનૌ સુપર જાયન્ટ્સને પાંચ વિકેટે હરાવ્યું હતું. મેચમાં પ્રથમ બેટિંગ કરતા લખનૌએ પાંચ વિકેટે 158 રન બનાવ્યા હતા, પરંતુ ગુજરાતની ટીમે બે બોલ બાકી રહેતા પાંચ વિકેટે 161 રન બનાવીને મેચ જીતી લીધી હતી. પ્રથમ બેટિંગ કરતા લખનૌએ ગુજરાત જાયન્ટ્સ (જીટી) સામે છ વિકેટે 158 રન બનાવ્યા હતા. અને હુડ્ડાએ તેની 41 બોલની ઇનિંગમાં બે છગ્ગા અને છ ચોગ્ગા ફટકાર્યા હતા, જ્યારે બદોનીએ તે જ બોલની તેની ઇનિંગમાં ત્રણ છગ્ગા અને ચાર ચોગ્ગા ફટકાર્યા હતા. લખનૌની ટીમે પાંચમી ઓવરમાં 29 રનમાં ચાર વિકેટ ગુમાવી દીધી હતી, ત્યારબાદ બદોની અને હુડ્ડાએ શાનદાર ભાગીદારી કરીને ટીમને પડકારજનક સ્કોર સુધી પહોંચાડી દીધી હતી. કૃણાલ પંડ્યાએ છેલ્લી ઓવરમાં 13 બોલમાં અણનમ 21 રન ફટકારીને ટીમનો સ્કોર 158 સુધી પહોંચાડવામાં યોગદાન આપ્યું હતું.
આયુષ બદોની ફિફ્ટી પોતાની IPL ડેબ્યુ મેચમાં જ ધમાકેદાર રમીને ચાહકોને ચોંકાવી દીધા હતા. અને બદોનીએ પોતાની ઇનિંગ દરમિયાન 41 બોલમાં 54 રન બનાવ્યા હતા. બદોનીએ પોતાની ઈનિંગમાં 4 ચોગ્ગા અને 3 છગ્ગા ફટકાર્યા હતા અને ટીમને 158 રન સુધી લઈ જવામાં સફળ રહ્યો હતો. તમને જણાવી દઈએ કે IPL ઓક્શનમાં લખનૌએ બદોનીને 20 લાખમાં ખરીદ્યો હતો અને તેને પોતાની ટીમમાં સામેલ કર્યો હતો. બદોની સ્થાનિક ક્રિકેટમાં દિલ્હી તરફથી રમે છે.અને બદોની ભારત માટે અંડર-19 ક્રિકેટ પણ રમી ચૂક્યો છે. આ યુવા જમણા હાથનો બેટ્સમેન ત્યારે ચર્ચામાં આવ્યો જ્યારે તેણે એશિયા કપ 2018માં શ્રીલંકા સામે ભારત અંડર-19 માટે માત્ર 28 બોલમાં 52 રન બનાવ્યા.
શ્રીલંકા સામે 185 રનની તોફાની ઇનિંગ રમાઇ હતી બેટિંગ સિવાય આયુષ બદોની બોલિંગમાં પણ છાંટા પાડવામાં સફળ રહ્યો છે.અને બદાનીએ વર્ષ 2018માં શ્રીલંકા અંડર-19 સાથે યુવા ટેસ્ટ મેચ દરમિયાન અણનમ 185 રન બનાવ્યા હતા, જેણે તેને ઘણી હેડલાઇન્સ બનાવી હતી. આ મેચમાં બદોનીએ 7મા નંબર પર બેટિંગ કરીને 185 રનની ઇનિંગ રમી હતી. ભારતીય અંડર 19 ટીમે આ મેચ એક ઇનિંગ અને 21 રને જીતીને અજાયબી કરી હતી. ઈન્ડિયા અંડર 19ની પ્રથમ ઈનિંગમાં બદોનીએ 205 બોલમાં 185 રન બનાવ્યા જેમાં 19 ચોગ્ગા અને 4 છગ્ગા સામેલ હતા. વાસ્તવમાં આ મેચ કોલંબોમાં રમાઈ હતી.અને શ્રીલંકાની અંડર-19 ટીમ પ્રથમ દાવમાં 244 અને બીજી ઈનિંગમાં 324 રન જ બનાવી શકી હતી જ્યારે ભારતીય અંડર-19 ટીમે બદોનીના 185 રનના આધારે 589 રનનો જંગી સ્કોર બનાવ્યો હતો. આ મેચમાં ભારતીય ક્રિકેટમાં બદોનીનું નામ ચમક્યું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
