પંચમહાલના ડેસરના નાનકડા એવા પીપલછટ ગામમાં મોડી રાત્રે મોટી દુર્ઘટના સર્જાઈ હતી. ઘાસચારામાં લાગેલી આગ બાજુના ગેસના બાટલાના ગોડાઉનમાં ફેલાઈ હતી. આ આગમાં 13 જેટલા ગ્રામજનો દાઝ્યા છે. આગની ઘટનામાં દાઝેલા તમામને કાલોલની ખાનગી હોસ્પિટલમાં સારવાર અર્થે ખસેડાયા હતા.
પ્રાથમિક માહિતી અનુસાર, ડેસર તાલુકાના પીપલછટ ગામમાં ભારત ગેસ એજન્સીનું ગોડાઉન આવેલું છે. આ ગોડાઉનની પાછળના ભઆગે ઘાસના પૂળામાં મોડી રાત્રે 10.30 કલાકે એકાએક આગ ફાટી નીકળી હતી. જોકે, આ આગ જોતજોતામાં ગોડાઉન સુધી પહોંચી હતી. આગમાં ગોડાઉનમાંના બોટલમાં પણ બ્લાસ્ટ થયો હતો. ભારત ગેસ એજન્સીમાં આગ લાગતા ગોડાઉનમાં અફરાતફરી મચી ગઇ હતી અને સ્થાનિક લોકોએ આગ બુઝાવવાના પ્રયાસો હાથ ધર્યાં હતા. ગેસ ગોડાઉનમાં બોટલ ફાટતા આગ ઓલવવા ગયેલા 14 જેટલા સ્થાનિક નાગરિકો દાઝ્યા હતા.
આ ઘટનામાં 14 સ્થાનિકો દાઝ્યા છે. જેમાં કેટલાક લોકો ગંભીર રીતે દાઝ્યા છે. એક ઇજાગ્રસ્તને સારવાર માટે વડોદરા રીફર કરાયા હતા. ઘટનાની જાણ થતાં ફાયરબ્રિગેડની ટીમો ઘટના સ્થળે દોડી ગઇ હતી અને ભારે જહેમત બાદ આગ પર કાબુ મેળવ્યો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
