કાશ્મીર વિભાગના બાંદીપોરામાં આતંકવાદીઓએ બિન-સ્થાનિક નાગરિકો પર ગોળીબાર કર્યો હતો. આ હુમલામાં ગોળી વાગવાથી એક નાગરિક ઘાયલ થયો હતો અને તેને હોસ્પિટલમાં દાખલ કરવામાં આવ્યો હતો, જ્યાં સારવાર દરમિયાન તેનું મોત નીપજ્યું હતું જેમાં કાશ્મીર ઝોન પોલીસે જણાવ્યું કે મોડી રાત્રે આતંકવાદીઓએ બાંદીપોરાના સોડનારા સુમ્બલમાં બિહારના રહેવાસી મોહમ્મદ અમરેજ પર ગોળીબાર કર્યો હતો અને ગોળી વાગવાથી તે ઘાયલ થયો હતો. તેનું સારવાર દરમિયાન મોત નિપજ્યું હતું. સુરક્ષા દળોની સંયુક્ત ટીમ હુમલાખોરોની શોધમાં સર્ચ ઓપરેશન ચલાવી રહી છે.
આ પહેલા ગુરુવારે જમ્મુ ડિવિઝનના રાજોરી જિલ્લામાં આતંકીઓ મોટો હુમલો કરવાનો પ્રયાસ કરી રહ્યા હતા. આતંકવાદીઓએ ફરી એકવાર ઉરી જેવા મોટા હુમલાની નાપાક યોજના ઘડી હતી અને જેને સેનાના સતર્ક જવાનોએ નિષ્ફળ બનાવી હતી. ગુરુવારે સવારે લગભગ 2 વાગ્યે, જ્યારે સેનાના જવાનો કેમ્પમાં સૂઈ રહ્યા હતા, ત્યારે અંધકાર, ખરાબ હવામાન અને જાડી ઝાડીઓની આડમાં આતંકવાદીઓએ આત્મઘાતી હુમલો કર્યો, ગ્રેનેડ ફેંક્યા અને પછી ગોળીબાર શરૂ કર્યો તેમજ તેનો ઈરાદો શક્ય તેટલા સૈનિકોને નુકસાન પહોંચાડવાનો હતો.
સૂત્રોના જણાવ્યા અનુસાર બે દિવસ પહેલા સ્થાનિક લોકોએ ડરહાલના બજારમાં માર્યા ગયેલા બે આતંકવાદીઓને ફરતા જોયા હતા. કહેવામાં આવી રહ્યું છે કે મંગળવારે બપોરે સેનાના યુનિફોર્મમાં બે અજાણ્યા લોકો હથિયાર લઈને બજારમાં ફરતા હતા અને બંનેએ કેટલીક વસ્તુઓ પણ ખરીદી હતી પરંતુ જ્યારે લોકોને તેમની ગતિવિધિઓ શંકાસ્પદ લાગી તો તરત જ પોલીસને જાણ કરવામાં આવી, ત્યારબાદ સેના અને પોલીસે દારહાલ અને નજીકના કેટલાક વિસ્તારોમાં સર્ચ ઓપરેશન પણ શરૂ કર્યું, પરંતુ આ દરમિયાન બંને આતંકીઓ સેના કે પોલીસના હાથે ઝડપાયા ન હતા.
પાકિસ્તાન દ્વારા પ્રશિક્ષિત આતંકવાદીઓએ 2004માં રાજોરીમાં તત્કાલિન ડીઆઈજી પોલીસ એસએમ સહાય પર ફિદાયીન હુમલો પણ કર્યો હતો અને આ હુમલામાં બે પોલીસ જવાન શહીદ થયા હતા. આ દરમિયાન બે આતંકવાદીઓ માર્યા ગયા હતા. ત્યારબાદ ડીઆઈજી રાજોરી-પૂંચ પોલીસ રેન્જની સરકારી ઓફિસમાં આતંકીઓએ ફિદાયીન પર હુમલો કર્યો અને તેમની ખુરશીને નિશાન બનાવીને ગોળીબાર કર્યો, પરંતુ તે સમયે ડીઆઈજી તેમની ઓફિસમાં હાજર ન હતા.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
