મોદી સરકારે ગત બજેટમાં ઘણા વચનો આપ્યા હતા, જેને સરકારે એક વર્ષ પહેલા જ પુરા કર્યા છે. બજેટ 2023 પહેલા કેન્દ્ર સરકારે મોટી ભેટ આપી છે. સરકારે ITR નિયમોમાં મોટો ફેરફાર કર્યો છે. હવેથી અમુક લોકોને આવકવેરા રિટર્ન ભરવાની જરૂર નહીં પડે અને નાણામંત્રી નિર્મલા સીતારમણે બજેટમાં આની જાહેરાત કરી હતી.
નાણા મંત્રાલયે ટ્વીટ કરીને જાહેરાત કરી છે કે હવેથી 75 વર્ષથી ઉપરના આવા વરિષ્ઠ નાગરિકોને આવકવેરા રિટર્ન ભરવાની જરૂર રહેશે નહીં. તમને જણાવી દઈએ કે જે વરિષ્ઠ નાગરિકો પાસે બેંકમાંથી માત્ર પેન્શન અથવા વ્યાજ છે, તો તેમણે ITR ફાઇલ કરવાની જરૂર રહેશે નહીં અને નાણાં મંત્રાલયે ટ્વીટ કરીને આ અંગેની માહિતી આપી છે.
સરકારે જણાવ્યું છે કે આવકવેરા અધિનિયમ, 1961માં એક નવી કલમ કલમ 194P ઉમેરવામાં આવી છે અને જેના હેઠળ વરિષ્ઠ નાગરિકોને આ લાભ મળશે.
માહિતી આપતાં સેન્ટ્રલ બોર્ડ ઓફ ડાયરેક્ટ ટેક્સે જણાવ્યું કે આ અંગે એક નોટિફિકેશન બહાર પાડવામાં આવ્યું છે અને આ ઉપરાંત, નિયમ 31, નિયમ 31A, ફોર્મ 16 અને 24Q માં પણ સુધારા કરવામાં આવ્યા છે અને આ ક્ષેત્રને કાર્યરત કરવામાં આવ્યું છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
