ગુજરાત ઈલેક્શન 2022 : કુતિયાણા બેઠક પર કાંધલ જાડેજાએ અંતે NCPમાંથી ઉમેદવારી નોંધાવી

ગુજરાત વિધાનસભાની ચૂંટણી માટે ઉમેદવારો ફોર્મ ભરવાની પ્રક્રિયા શરુ કરી દીધી છે. ગુજરાતમાં વિધાનસભાની ચૂંટણીમાં ગઈકાલે ભારતીય જનતા પાર્ટી, કોંગ્રસ, આમ આદમી પાર્ટી તેમજ NCPના ઉમેદવારોએ ફોર્મ ભર્યા હતા. ગઈકાલે કોંગ્રેસ અને NCP વચ્ચેના ગઠબંધન થતા કુતિયાણા બેઠક પર કાંધલ જાડેજા અપક્ષ ઉમેદવાર તરીકે ફોર્મ ભરવાની વાતને જોર પકડ્યું હતું. જો કે ગઈકાલે જ કાંધલ જાડેજાએ NCPમાંથી જ ફોર્મ ભર્યું હતું અને કહ્યું હતું કે મારે પ્રફુલ્લ પટેલ સાથે વાત કરી હતી.

ગુજરાત વિધાનસભાની ચૂંટણી માટે રાજકીય પક્ષોના ઉમેદવારો તેમના મતવિસ્તારમાં ફોર્મ ભરવાની પ્રક્રિયા પૂર્ણ કરી હતી. પોરબંદર જિલ્લાની કુતિયાણા બેઠક માટે ગઈકાલે થોડી અસમંજસ જવા પામી હતી અને ખુબ જ તેજ ચર્ચાએ જોર પકડ્યું હતું કે કાંધલ જાડેજા અપક્ષ ઉમેદવાર તરીકે ફોર્મ ભરશે જો કે ગઈકાલે તેણે NCPમાંથી જ ઉમેદવારી નોંધાવી હતી. નોંધનીય છે કે આ બેઠક પરથી છેલ્લી બે વિધાનસભાની ચૂંટણીમાં કાંધલ જાડેજા જ જીતી રહ્યા છે. ગુજરાત વિધાનસભાની ચૂંટણી આગામી ડિસેમ્બરમાં છે. ગુજરાતમાં પ્રથમ ચરણનું મતદાન પહેલી ડિસેમ્બરના થશે જયારે બીજા ચરણનું મતદાન પાંચમી તારીખે થશે અને ગુજરાત વિધાનસભાની ચૂંટણીનું પરિણામ હિમાચલ પ્રદેશની ચૂંટણીના પરિણામ સાથે 8મી ડિસેમ્બરના રોજ જાહેર થશે.