ગુજરાત ઈલેક્શન 2022 : રાજકોટમાં લાખોની રકમ સાથે વ્યક્તિની અટકાયત

ગુજરાતમાં વિધાનસભાની ચૂંટણી માટે હવે ગણતરીના જ દિવસો બાકી રહી ગયા છે. ગુજરાતમાં વિધાનસભાની ચૂંટણીની તારીખ જાહેરાતની સાથે જ આચારસંહિતા લાગુ પડી ગઈ હતી. ગુજરાતમાં આચારસંહિતાના પગલે રોકડ રકમ પર નજર રાખવામાં આવી રહી છે. રાજકોટમાં આજે એક વ્યક્તિને લાખોની રકમ સાથે અટકાયત કરી હતી. રાજકોટ શહેરના મધ્ય વિસ્તારમાં લાખોની રકમ સાથે એક વ્યક્તિને તપાસ કરવા માટે અટકાયત કરવામાં આવી છે. રાજકોટ શહેરના દક્ષિણ વિસ્તારમાં આવેલા ઢેબર રોડ પર જસાણી સ્કૂલ પાસે લાખોની રકમ સહીત એક વ્યક્તિની અટકાયત કરવામાં આવી હતી.

રાજકોટમાં નાણાકીય હેરફેર મામલે ચેકીંગ દરમિયાન લાખોન રકમ સાથે વ્યક્તિની અટકાયત કરવામાં આવી હતી. આ સાથે જ ઇન્કમટેક્સ વિભાગની ટીમ પર તપાસ અર્થે દોડી ગઈ હતી. નાણાકીય બાબતે કાગળો મગાવવામાં આવ્યા છે. આ અંગે રાજકોટના ડીડીઓએ પ્રાથમિક માહિતીની જાણકારી આપી હતી.

નોંધનીય છે કે ગુજરાત વિધાનસાભાની ચૂંટણીને હવે ગણતરીના જ દિવસો બાકી રહ્યા છે. પહેલા તબક્કાની મતદાન માટે ફોર્મની ચકાસણી પૂર્ણ થઇ ગઈ છે. આજે પહેલા તબક્કાના ઉમેદવારો માટે ફોર્મ પરત ખેંચવાનો છેલ્લો દિવસ છે. બીજા તબક્કાના મતદાન માટે ફોર્મ ભરવાનો આજે છેલ્લો દિવસ છે. ગુજરાત વિધાનસભાની ચૂંટણી બે તબક્કામાં યોજાવાની છે. પ્રથમ તબક્કાનું મતદાન પેહલી ડિસેમ્બરે યોજાશે જયારે બીજા તબક્કાનું મતદાન 5મી ડિસેમ્બરના રોજ યોજાશે. વિધાનસભાની ચૂંટણીનું પરિણામ હિમાચલ પ્રદેશની ચૂંટણીના પરિણામ સાથે 8મી ડિસેમ્બરના રોજ જાહેર થશે.