અમેરિકાના H-1B વિઝા ભારતીયોમં ઘણા જ લોકપ્રિય છે કેમ કે આ વિઝા દ્વારા તેમને અમેરિકામાં કામ કરવામાં ઘણી સરળતા રહે છે. અમેરિકાની મોટી ટેક કંપનીઓ આ વિઝાનો સૌથી વધુ ફાયદો ઉઠાવતા વિદેશમાંથી હાઈ સ્કિલ્ડ કર્મચારીઓને લાવે છે. જોકે, હાલમાં ઓબામા શાસનમાં લાગુ કરવામાં આવેલા એક ફેડરલ નિયમને પડકારવામાં આવ્યો હતો જેને યુએસની એક કોર્ટે ફગાવી દીધો છે.
યુએસની અપીલ કોર્ટે શુક્રવારે ભૂતપૂર્વ રાષ્ટ્ર પ્રમુખ બરાક ઓબામાના શાસનમાં લાગુ કરાયેલા ફેડરલ નિયમને પડકારતી અપીલને ફગાવી દીધી હતી
જે H-1B વિઝા ધરાવતા લોકોના જીવનસાથીને અમેરિકામાં કામ કરવાની મંજૂરી આપે છે
સ્પેશિયલ એજ્યુકેશન અથવા તો ટ્રેનિંગની જરૂર હોય તેવા વ્યવસાયોમાં પ્રોફેશનલ્સને H-1B વિઝા આપવામાં આવે .
યુએસની અપીલ કોર્ટે શુક્રવારે ભૂતપૂર્વ રાષ્ટ્ર પ્રમુખ બરાક ઓબામાના શાસનમાં લાગુ કરાયેલા ફેડરલ નિયમને પડકારતી અપીલને ફગાવી દીધી હતી જે H-1B વિઝા ધરાવતા લોકોના જીવનસાથીને અમેરિકામાં કામ કરવાની મંજૂરી આપે છે. કોર્ટે જણાવ્યું હતું કે તેનાથી ફેડરલ એજન્સીઓની સત્તાઓને ઘટાડવાના ચુકાદાની કેસ પર કોઈ અસર થઈ નથી. કોલંબિયા સર્કિટ ડિસ્ટ્રિક્ટ માટે યુએસ કોર્ટ ઓફ અપીલ્સની ત્રણ જજની પેનલે ચુકાદો આપ્યો હતો કે ફેડરલ ઈમિગ્રેશન કાયદો યુએસ ડિપાર્ટમેન્ટ ઓફ હોમલેન્ડ સિક્યોરિટીને વિઝા ધારકો માટે અમેરિકામાં પ્રવેશની શરતોને નિયંત્રિત કરવાની વ્યાપક સત્તા આપે છે. સ્પેશિયલ એજ્યુકેશન અથવા તો ટ્રેનિંગની જરૂર હોય તેવા વ્યવસાયોમાં પ્રોફેશનલ્સને H-1B વિઝા આપવામાં આવે છે. આ વિઝાનો વ્યાપક ઉપયોગ અમેરિકન ટેક બિઝનેસમાં થાય છે. જેમાં આલ્ફાબેટની ગુગલ, એમેઝોન.કોમ અને માઈક્રોસોફ્ટ જેવી જાયન્ટ ટેક કંપનીઓએ 2015ના નિયમને સમર્થન આપતા નીચલી અદાલતમાં અપીલ દાખલ કરી હતી.
કંપનીઓએ દલીલ કરી હતી કે વિઝા ધારકોના જીવનસાથીને અમેરિકામાં કામ કરવાની મંજૂરી આપવાથી H-1B વર્કર્સને ગ્રીન કાર્ડ મેળવવા માટે પ્રોત્સાહિત કરશે જે તેમને કાયમી ધોરણ યુએસમાં રહેવાની મંજૂરી આપશે. જેનાથી કંપનીઓ માટે હાઈ સ્કિલ્ડ કર્મચારીઓને જાળી રાખવાનું સરળ બનશે. ડીસી સર્કિટે વોશિંગ્ટન સ્થિત ફેડરલ જજના સેવ જોબ્સ યુએસએ દ્વારા કરવામાં આવેલા 2015ના લૉસ્યુટને ફગાવી દેવાના ચુકાદાનું સમર્થન કર્યું હતું. સેવ જોબ્સ યુએસએ સધર્ન કેલિફોર્નિયાના એડિસનના ભૂતપૂર્વ કર્મચારીઓનું પ્રતિનિધ્વ કરે છે. તેમનું કહેવું હતું કે તેઓ ઈમિગ્રન્ટ વર્કર્સના કારણે વિસ્થાપિત થયા હતા અને તેથી તેમણે મુકદ્દમો દાખલ કર્યો હતો. નિયમની કાયદેસરતાને પડકારતો મુકદ્દમો 2022ના કેસ સાથે તુલનાત્મક હતો જેમાં DC સર્કિટએ શુક્રવારના ચુકાદા અનુસાર વિદેશી વિદ્યાર્થીઓને અમેરિકામાં રહેવા અને ગ્રેજ્યુએટ થયા પછી કામ કરવાની મંજૂરી આપતા અલગ નિયમના પડકારને નકારી કાઢ્યો હતો.
સેવ જોબ્સ યુએસએ એ દલીલ કરી હતી કે 2022નો નિર્ણય ખોટો હતો અને તે ગ્રુપના મુકદ્દમાને લાગુ પડતો નથી કારણ કે તે યુએસ સુપ્રીમ કોર્ટના જૂનના ચુકાદા પહેલા લોપર બ્રાઈટ એન્ટરપ્રાઈઝ વિ. રાયમોન્ડો નામના કેસમાં જારી કરવામાં આવ્યો હતો જેણે ફેડરલ એજન્સીઓની સત્તા પર અંકુશ મૂક્યો હતો. સુપ્રીમ કોર્ટના નિર્ણયે “શેવરોન ડિફરન્સ” તરીકે ઓળખાતી લાંબા સમયથી ચાલતી જરૂરિયાતને દૂર કરી છે, જે અદાલતો ફેડરલ એજન્સીઓના કાયદાના વાજબી અર્થઘટનને ટાળે છે તથા તે અસ્પષ્ટ હોય તો તેને લાગુ કરે છે. પરંતુ DC સર્કિટે શુક્રવારે ચુકાદો આપ્યો હતો કે જ્યારે તેના 2022ના નિર્ણયમાં શેવરોનને “ફોલબેક આર્ગ્યુમેન્ટ” તરીકે ટાંકવામાં આવ્યું હતું, ત્યારે અદાલતે અલગથી શોધી કાઢ્યું હતું કે ફેડરલ કાયદો તે કિસ્સામાં પડકારવામાં આવેલા નિયમને સ્પષ્ટપણે અધિકૃત કરે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
