વિરમગામ બેઠક પર હાર્દિક પટેલે નોંધાવી દાવેદારી, મીડિયાથી અળગા રહેવા માંગતા હોવાથી સમર્થકોને મોકલ્યા

વિરમગામ બેઠક પર હાર્દિક પટેલે ભાજપ તરફથી દાવેદારી નોંધાવી છે. હાર્દિક પટેલના સમર્થકોએ હાર્દિકના નામે દાવેદારી નોંધાવી છે. હંમેશા મીડિયામાં લાઈમ લાઈટમાં રહેલા હાર્દિક જાણે કે, અત્યારે મીડિયાથી અળગા રહેવા માંગતા હોય તેમ લાગી રહ્યું છે. માટે તેઓ નહોતા આવ્યા પરંતુ સમર્થકોને મોકલવામાં આવ્યા હતા. હાર્દિક પટેલે નિરીક્ષકો સમક્ષ આવવાનું ટાળ્યું હતું.

વિરમગાર બેઠક પર  હાર્દિક પટેલે દાવેદારી નોંધાવી છે.  મળતી વિગતો અનુસાર વિશ્વ હિન્દુ પરિષદના સાંસ્કૃતિક સેલના રાષ્ટ્રીય અધ્યક્ષે પણ ટિકિટ માંગી છે. દિવ્યા પટેલે વિરમગામ બેઠક પરથી ટિકિટ માંગી છે. દિવ્યા પટેલ વ્હીલચેર ક્રિકેટ એસોસિએશનના ડાયરેક્ટર છે. દિવ્યા પટેલ એક ગુજરાતી ફિલ્મ નિર્માતા છે. દિવ્યા પટેલે જણાવ્યું હતું કે ખેડૂત સમાજમાં પણ મારું વર્ચસ્વ છે.

વિરમગામમાં આ ઉપરાંત અન્ય દિગ્ગજોએ પણ દાવેદારી નોંધાવી છે. વિરમગામ કોંગ્રેસના કબ્જામાં છે. ત્યારે ભાજપમાં એક તરફી હાર્દિકનું નામ છે ત્યારે પ્રાગજી પટેલ, તેજશ્રી પટેલ પણ દાવેદારી કરી શકે છે. હાર્દિક પટેલ વિરમગામથી ચૂંટણી લડે તેવી પ્રબળ શક્યતા છે. ત્યારે પૂર્વ ધારાસભ્યો પણ દાવેદારી નોંધાવવા પહોંચ્યા હતા.