Healthy Lungs Diet : ફેફસાંને હંમેશા હેલ્ધી અને મજબૂત રાખવા માટે શું ખાશો

પોતાના ફેફસાંને સ્વસ્થ રાખવા માટે હેલ્ધી ડાયેટ લેવું જરૂરી છે. સિગરેટના ધુમાડા અને પર્યાવરણના ઝેરી પદાર્થોના સંપર્કની સાથે સાથે ખરાબ આહાર લેવાથી પણ લંગ્સ વીક થઇ શકે છે. એવામાં લંગને હંમેશા મજબૂત રાખવા માટે હેલ્ધી લંગ્સ ડાયેટની જરૂર પડે છે. એક સ્વસ્થ, સારી રીતનો સંતુલિત આહાર પોતાના શરીરને મજબૂત રાખવા માટે એક લાંબો માર્ગ તૈયાર કરે છે, જેમાં તમારા ફેફસાં પણ સામેલ છે. સામાન્ય રીતે પોતાના ફેફસાંને હેલ્ધી રાખવા માટે તમામ પોષક તત્ત્વોનું ભરપૂર પ્રમાણમાં સેવન કરવું જોઇએ.. જાણો, હેલ્ધી અને મજબૂત ફેફસાં કેવી રીતે મેળવશો?

શરીરમાં ફેફસાંનું મહત્ત્વ શું છે તે તો બધા જાણે જ છે. ફેફસાં ઑક્સિજનને ફિલ્ટર કરવાનું કામ કરે છે. હંમેશા હેલ્ધી રહેવા માટે ફેફસાંનું અટક્યા વગર કામ કરવું જરૂરી છે.

મોટાભાગના બૉડી ફંક્શન ફેફસાં પર નિર્ભર કરે છે. ફેફસાંને મજબૂત કરવા માટે ફૂડ્સ અથવા સ્ટ્રોન્ગ ફેફસાં માટે ડાયેટ લેવો ખૂબ જ જરૂરી છે. ફેફસાંને મજબૂત કરવા માટે શું ખાશો? અને કઇ વસ્તુઓને પોતાના ડાયેટમાં સામેલ ન કરવું જોઇએ.

ફેફસાંને હેલ્ધી રાખવા માટે ખાઓ આ ફૂડ્સ

1. હાઇ ફાઇબર ફૂડ્સ

વટાણા, દાળ, રાસ્પબેરી અને રાજમા તમામ ફાઇબરથી ભરપૂર હોય છે. જે તમારાં ફેફસાં માટે ખૂબ જ સારા છે. શોધ અનુસાર વધારે ફાઇબર ખાતાં લોકોમાં ફેફસાંની સમસ્યાઓ થતી નથી. ફેફસાં તે લોકોની સરખામણીમાં શ્રેષ્ઠ કામ કરે છે જે વધારે ફાઇબર નથી ખાતા. અન્ય ફાઇબર યુક્ત ખાદ્ય પદાર્થોમાં ઘઉં સ્પેગેટી, બેક્ડ બીન્સ, ચિયા સિડ્સ, ક્વિનોઆ, નાશપતી અને બ્રોકલી સામેલ છે.

2. કૉફી

કૉફી લવર્સ માટે સારા સમાચાર છે. તમારો સવારનો એક કપ તમારા ફેફસાં માટે લાભદાયી સાબિત થઇ શકે છે. નિયમિત કૉફી અને સ્વસ્થ ફેફસાં વચ્ચે કનેક્શન છે. આ કેફીનના કારણે હોઇ શકે છે, જે એન્ટી ઈન્ફ્લેમેટરી ગુણથી ભરપૂર હોય છે અને પૉલીફેનોલ, જે એન્ટીઑક્સિડેન્ટનો પણ ઉચ્ચ સ્ત્રોત છે. આ તમામ ફેફસાંને હેલ્ધી રાખી શકે છે.

3. સાબુત અનાજ

સાબુત અનાજ તમારા ફેફસાં માટે ઉત્તમ છે. તેમાં બ્રાઉન રાઇસ, ઘઉંની રોટલી, ઘઉંના પાસ્તા, ક્વિનોઆ અને જવ સામેલ છે. ન માત્ર ફાઇબરમાં ઉચ્ચ અનાજવાળા ખાદ્ય પદાર્થ છે, જેમાં એન્ટી-ઑક્સીડેન્ટ અને એન્ટી ઇન્ફ્લેમેટરી ગુણ છે, પરંતુ તે વિટામિન ઇ, સેલેનિયમ અને આવશ્યક ફેટી એસિડથી ભરપૂર હોય છે, જે ફેફસાંના સ્વાસ્થ્ય માટે યોગ્ય માનવામાં આવે છે.

4. જાંબુ

બ્લ્યૂબેરી અને સ્ટ્રોબેરી જેમ કે લાલ અને બ્લ્યૂ ફળ એન્થોસાયનિન નામના ફ્લેવોનોઇડથી ભરપૂર હોય છે. જે એક મજબૂત એન્ટી-ઑક્સીડેન્ટ પણ છે. જાંબુનું સેવન ફેફસાંના સ્વાસ્થ્ય માટે ફાયદાકારક માનવામાં આવે છે. તેને ડાયેટમાં સામેલ કરો.

5. લીલાં શાકભાજી

પાલક, સ્વિસ ચાર્ડ અને અન્ય પાંદડાંવાળા શાકભાજી ફેફસાંનાં કેન્સર થવાની શક્યતાને ઘટાડી શકે છે. એક અભ્યાસમાં જાણવા મળ્યું છે કે તેમાં કૈરોટીનોઇડ હોય છે જે એન્ટી-ઑક્સિડેન્ટ છે.

6. દૂધ ઉત્પાદન

દૂધ પીવું અને પનીર, દહીં અને અન્ય ડેરી પ્રોડ્ક્ટ્સ ખાવાથી તમારા ફેફસાંને કેન્સર થવાની શક્યતાઓ ઘટી શકે છે. તમને અસ્થમા અથવા ફેફસાંની કોઇ અન્ય સમસ્યા છે તો ડેરી પ્રોડ્ક્ટ્સનું સેવન ન કરશો તેનાથી તમારા લાળના ઉત્પાદનમાં ઘટાડો થઇ શકે છે.

હેલ્ધી અને મજબૂત ફેફસાં માટે આ ફૂડ્સથી દૂર રહો

1. પ્રોસેસ્ડ મીટ

અભ્યાસમાં પ્રોસેસ્ડ મીટ અને ખરાબ ફેફસાંના કાર્ય વચ્ચે એક લિન્ક જોવા મળે છે. શોધકર્તાઓનું માનવું છે કે પ્રોસેસ્ડ મીટને સંરક્ષિત કરવા માટે ઉપયોગમાં લેવાતાં નાઇટ્રાઇટ ફેફસાંમાં સોજો અને તણાવ પેદા કરી શકે છે.

2. ખૂબ જ વધુ દારૂનું સેવન

દારૂનું સેવન તમારા લીવર માટે અને પોતાના ફેફસાં માટે ખરાબ છે. દારૂમાં સલ્ફેટ્સ અસ્થમાના લક્ષણોને ખરાબ કરી શકે છે અને ઇથેનોલ તમારા ફેફસાંની કોશિકાઓને પ્રભાવિત કરે છે. જો તમે ખૂબ જ વધારે પીઓ છો તો તમને નિમોનિયા અને ફેફસાંની અન્ય સમસ્યાઓ થવાની વધુ શક્યતા છે.

3. ખૂબ જ વધારે મીઠું

મીઠું ભોજનને સ્વાદિષ્ટ તો બનાવે છે પરંતુ ફેફસાંની સમસ્યાઓ માટે ખૂબ જ વધારે મુશ્કેલીઓ ઉભી કરી શકે છે. જે લોકો ખૂબ જ વધારે મીઠું ખાય છે તેમનામાં લાંબા ગાળે બ્રોન્કાઇટિસ થવાની શક્યતા વધી શકે છે અને એક ઉચ્ચ-સોડિયમ આહાર અસ્થમાના લક્ષણોને ખરાબ કરી શકે છે. મીઠાનું ઓછું સેવન કરવાથી તમારા ફેફસાંને સરખી રીતે કામ કરવામાં મદદ મળી શકે છે.

4. સુગંધિત પીણાં

મીઠા શીતળ પીણાં પીનાર લોકોમાં ફેફસાંની સમસ્યાઓ થવાની શક્યતાઓ વધારે થઇ શકે છે. તેનાથી બાળકોમાં અસ્થમા થવાની શક્યતાઓ વધુ થઇ શકે છે. જો તમે ધ્રૂમપાન કરો છો તો પણ સમજ્યા-વિચાર્યા વગર સૉફ્ટ ડ્રિન્ક તમારા ફેફસાં માટે ખરાબ સાબિત થઇ શકે છે. તેનાથી હંમેશા દૂર રહેવાનો પ્રયાસ કરો.