BJPના સાંસદ સાધ્વી પ્રજ્ઞાસિંહ ઠાકુર બાદ પાર્ટીના અન્ય ધારાસભ્યએ નાથુરામ ગોડસેને દેશભક્ત ગણાવ્યા છે. આસામના BJPના ધારાસભ્ય શીલાદિત્ય દેવે પ્રજ્ઞાસિંહ ઠાકુરનો બચાવ કર્યો અને નાથુરામ ગોડસેને વાસ્તવિક દેશભક્ત ગણાવ્યા. તેમણે કહ્યું કે હું પ્રજ્ઞા ઠાકુરને સલામ કરું છું, કારણ કે તેઓ સત્ય બોલ્યા છે. ભારતમાં બહુ ઓછા લોકો છે જે સત્ય બોલી શકે છે.
આસામના BJPના ધારાસભ્યએ કહ્યું, ભારતમાં બહુ ઓછા લોકો છે જે સત્ય બોલી શકે છે. મહાત્મા ગાંધીએ કહ્યું હતું કે જો કોઈ ધર્મના આધારે દેશમાં ભાગ પાડશે, તો તેમણે તેમના મૃત શરીરમાંથી પસાર થવું પડશે, પરંતુ તે બન્યું નહીં. અમે જોયું કે દેશ વહેંચાયો હતો અને બે દેશોની રચના કરવામાં આવી હતી. પશ્ચિમ પાકિસ્તાન અને પૂર્વ પાકિસ્તાન. તે પછી પશ્ચિમ પાકિસ્તાન અને પૂર્વ પાકિસ્તાનમાં હિન્દુઓ વિરુદ્ધ એક આંદોલન થયું, તો ગાંધીજી પણ તેને રોકી શક્યા નહીં. નોકાખાલીમાં નરસંહાર થયો હતો અને એકમાત્ર હિંદુઓ તેનો ભોગ બન્યા હતા.
શીલાદિત્યદેવે કહ્યું, હું એમ નથી કહી રહ્યો કે મહાત્મા ગાંધી વિવાદિત રાજકારણી હતા પરંતુ તેમણે હિન્દુઓ માટે જે કર્યું તે બરાબર નહોતું. તેથી, કોઈપણ યોગ્ય વ્યક્તિ કુદરતી રીતે તેનો વિરોધ કરશે. કદાચ ગોડસે થોડો આક્રમક હતો અને લાખો હિન્દુઓ માર્યા ગયા હતા તે જોઈને તેને દર્દ થયું. ભાગલા થયા પછી પણ ભારત સરકાર પશ્ચિમ પાકિસ્તાન અને પૂર્વ પાકિસ્તાનને ઘણી મદદ આપી રહી હતી અને તેનાથી આપણી અર્થવ્યવસ્થા ખોરવાઈ રહી હતી. મહાત્મા ગાંધીને આવું કરવાથી કોઈ રોકી શક્યું નહીં.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
