ઘર એ કોઈ પણ વ્યક્તિ કે સમાજની સૌથી પાયાની જરૂરિયાત હોય છે. લગભગ 5 લાખ જેટલા લોકોએ સપનાનું ઘર ખરીદવા સંપૂર્ણ અથવા તો આંશિક ચૂકવણી કરી ચૂક્યા છે. આ લોકો વર્ષોથી તેમના ફ્લેટની ડિલિવરીની રાહ જોતા હતા, પરંતુ તેમની રાહ હજુ પૂરી થઈ નથી. વાત ફક્ત પૈસાની નહીં પરંતુ આ પૈસા જો અન્યત્ર રોકાણ કરવામાં આવ્યું હોત, તો આટલા વર્ષોમાં ઘણો વધારો થયો હોત, પરંતુ મામલો લોકોના ઈમોશનન્સનો છે. ઘણા લોકો માટેમાનસિક તાણનું પણ કારણ બની જાય છે.
ઘણા લોકો માટે ખરાબ સપનામાં ફેરવાઈ ગયું ;
તે કહેવું ખોટું નહીં હોય કે ઘણા લોકો માટે ખરાબ સપનામાં ફેરવાઈ ગયું છે જ્યાં તેમની જીવનભરની કમાણી ફસાઈ ગઈ છે. ઘણા લોકોએ બેંકો અને અન્ય નાણાકીય સંસ્થાઓ પાસેથી ઊંચા વ્યાજે લોન લીધી છે અને ડેવલપર્સને પૈસા આપ્યા છે. પરંતુ આ લોકોને સમયસર મકાન ન મળતાં વ્યાજના હપ્તા પણ ચૂકવી રહ્યા છે અને ભાડુ પણ ચૂકવી રહ્યા છે.
રિયલ એસ્ટેટ કંપનીઓની નિષ્ફળતાના સમાચાર ભૂતકાળમાં ઘણી હેડલાઇન્સ ;
મોટી રિયલ એસ્ટેટ કંપનીઓની નિષ્ફળતાના સમાચાર ભૂતકાળમાં ઘણી હેડલાઇન્સ બન્યા છે. 2020 ના અંત સુધીમાં, દેશના સાત મોટા શહેરોમાં ઓછામાં ઓછા 1,132 અધૂરા રિયલ એસ્ટેટ પ્રોજેક્ટ્સ હતા. જો કે,સામાન્ય લોકોના પૈસા લઈને તેમને ઘર આપવાનો વાયદો પૂરો નહીં કરનારા ડેવલપર્સ અને પ્રોજેક્ટની સંખ્યા ઘણી વધારે હશે.
ખરીદદારો ઘણા પ્રોજેક્ટ્સમાં અટવાયેલા ;
આવા માહોલમાં સરકારે નિંદ્રામાંથી જાગવું પડશે. છેલ્લા કેટલાક વર્ષોમાં રેરા કાયદો લાવવામાં આવ્યો છે અને તેણે આ લાપરવાહી ધરાવતા ક્ષેત્રમાં થોડીક શિસ્ત લાવવાનો પ્રયાસ કર્યો છે, પરંતુ હજી પણ ખરીદદારો ઘણા પ્રોજેક્ટ્સમાં અટવાયેલા છે. મોટા રિયલ્ટી પ્રોજેક્ટ્સના પતન પછી રેરા કાંઈ કરી શક્યું નથી.
આ કામ અન્ય લોકોને સોંપવું જેથી લોકો તેમના ઘર મેળવી શકે ;
સરકારે સુનિશ્ચિત કરવું જોઈએ કે નેશનલ કંપની લો ટ્રિબ્યુનલ (એનસીએલટી) અને અન્ય અદાલતોએ નાદારીના નવા કાયદા અંગે તાત્કાલિક નિર્ણય લેવો જોઈએ. જો કોઈ ડેવલપર્સ ગ્રાહકોને તેમના ઘરો આપવા માટે સમર્થ ન હોય, તો તેણે આ કામ અન્ય લોકોને સોંપવું જેથી લોકો તેમના ઘર મેળવી શકે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
