પંજાબમાં આમ આદમી પાર્ટીની સરકાર આવ્યા બાદ નિર્ણયોનો દોર ચાલી રહ્યો છે.અને ભ્રષ્ટાચાર વિરોધી હેલ્પલાઇન જારી કર્યા પછી અને કોન્ટ્રાક્ટ કામદારોને નોકરી મળે તે સુનિશ્ચિત કરવાના વચનને પૂર્ણ કર્યા પછી, પંજાબ સરકારે હવે ધારાસભ્યોના પેન્શન પર એક મહત્વપૂર્ણ નિર્ણય લીધો છે. પંજાબના સીએમ ભગવંત માને સૂચના આપી છે કે હવે રાજ્યના ધારાસભ્યોને માત્ર એક જ પેન્શન મળશે.અને આ સૂચના બાદ ધારાસભ્યોને આપવામાં આવનાર પેન્શનની ફોર્મ્યુલામાં ફેરફાર કરવામાં આવશે.
તમને જણાવી દઈએ કે પંજાબમાં અત્યાર સુધી એવી વ્યવસ્થા હતી કે જેટલી વખત ધારાસભ્ય બનતા હતા તેટલી વખત તેમનું પેન્શન કન્ફર્મ થતું હતું, હવે માત્ર 1 પેન્શન મળશે. આ નિર્ણય અંગે ભગવંત માને કહ્યું હતું કે ધારાસભ્ય કેટલી વાર જીતે, તેમને માત્ર એક ટર્મ માટે પેન્શન મળશે.અને આ સિવાય ધારાસભ્યોનું ફેમિલી પેન્શન ઘટાડવાના પણ નિર્દેશ આપવામાં આવ્યા છે.
તેમણે કહ્યું કે ધારાસભ્ય પાંચ વખત જીતે કે 10 વખત… તેને પેન્શન માત્ર એક જ વાર મળશે.તેમજ સીએમ ભગવંત માને કહ્યું કે અત્યાર સુધી એવી વ્યવસ્થા હતી કે વ્યક્તિ ગમે તેટલી વખત જીતે, તેને એટલી જ વાર પેન્શન મળતું હતું, જેનાથી તિજોરી પર ઘણો બોજ પડતો હતો.
સીએમ ભગવંત માને ટ્વીટ કરીને કહ્યું કે આજે અમે વધુ એક મોટો નિર્ણય લીધો છે. પંજાબના ધારાસભ્યોના પેન્શન ફોર્મ્યુલામાં ફેરફાર કરવામાં આવશે. ધારાસભ્યો હવે માત્ર એક જ પેન્શન માટે પાત્ર રહેશે.અને જે હજારો કરોડ રૂપિયા ધારાસભ્ય પેન્શન પર ખર્ચવામાં આવતા હતા તે હવે પંજાબના લોકોના હિત માટે ઉપયોગમાં લેવાશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
