સુરતમાં બહેન ઘરે રાખડી બાંધવા રાહ જોઈ રહી હતી અને સ્મીમેર હોસ્પિટલની સામે અકસ્માતમાં ભાઈનું મોત.

સરદાર માર્કેટથી ઉધના દરવાજા જતા ફ્લાય ઓવર બ્રિજ પર સ્મીર હોસ્પિટલ સામે રોડ અકસ્માતમાં રાંદેરના યુવકનું મોત નીપજ્યું હતું. મૃતક યુવક કામ પરથી ઘરે જવા નીકળ્યો હતો અને ત્યારે તેની બહેન ઘરે રાખડી બાંધવા આવી હતી. અજાણ્યા વાહને ટક્કર મારતાં તેમનું મોત થયું હતું.

હીરાના કારખાનામાં કામ કરતો યુવાન રાંદેર પોસ્ટ ઓફિસ પાસે આવેલા સુથાર વડના નીતિનકુમાર જયંતિભાઈ પંચાલ (ઉંમર 38) હીરાના કારખાનામાં નોકરી કરતા હતા અને ગુરુવારે બપોરે નીતિનકુમારને તેની પત્નીએ ફોન કરીને જણાવ્યું કે તેની બહેન ઘરે રક્ષાબંધન બાંધવા આવી છે અને જે બાદ નીતિનકુમાર કામ પરથી મોપેડ પર ઘરે આવવા લાગ્યો હતો. ત્યારે સરદાર માર્કેટથી ઉધના દરવાજા તરફ ફ્લાય ઓવર બ્રિજ ઉપરથી પસાર થતા મોપેડ સવાર નીતિનકુમારને સ્મીમેર હોસ્પિટલ સામે અજાણ્યા વાહનચાલકે ટક્કર મારી હતી જેમાં ગંભીર ઇજાઓને કારણે તેમનું ઘટનાસ્થળે જ મોત નીપજ્યું હતું.

ઘટનાની જાણ થતા પુણા પોલીસ ઘટના સ્થળે પહોંચી હતી અને જરૂરી કાર્યવાહી હાથ ધરી હતી. ઘટનાના તપાસકર્તા પીએસઆઈ ડીડી રોહિતે જણાવ્યું કે મૃતક નીતિન કુમારને એક પુત્ર છે જે ધોરણ-10માં અભ્યાસ કરે છે અને નીતિનકુમારની બહેન તેમના ઘરે રાખડી બાંધવા આવી હતી. નીતિન કુમારનું ઘરે જતા માર્ગ અકસ્માતમાં મોત થયું હતું.