જેકલીન ફર્નાન્ડીઝ અને પિંકી ઈરાની પૂછપરછ દરમિયાન થઈ માથાકૂટ, ઉગ્ર દલીલ થઈ, 200 કરોડની છેતરપિંડી સંબંધિત મામલો
કરોડપતિ ઠગ સુકેશ ચંદ્રશેખરને સંડોવતા રૂપિયા 200 કરોડની ખંડણી-છેતરપિંડી કેસમાં પૂછપરછ દરમિયાન બોલિવૂડ અભિનેત્રી જેકલીન ફર્નાન્ડીઝ અને પિંકી ઈરાની વચ્ચે ઉગ્ર દલીલ થઈ હતી. પોલીસના જણાવ્યા અનુસાર મુંબઈ સ્થિત ઈરાની ચંદ્રશેખરની મિત્ર હતી, જેણે તેણીને જેકલીન સાથે પરિચય કરાવ્યો હતો. બંનેને દિલ્હી પોલીસની ઇકોનોમિક ઓફેન્સ વિંગ (EOW) દ્વારા તપાસમાં જોડાવા અને એજન્સી સમક્ષ તેમના નિવેદનો નોંધવા માટે સમન્સ મોકલવામાં આવ્યા હતા. જેકલીનની 8 કલાકથી વધુ સમય સુધી પૂછપરછ કરવામાં આવી હતી.
જ્યારે EOW ટીમે જેકલીનને અલગથી પ્રશ્ન કર્યો, ત્યારે તેણીએ મોટાભાગના પ્રશ્નોના સાચા જવાબ આપ્યા, જ્યારે કેટલાકને ગેરમાર્ગે દોરનારા જવાબો આપ્યા. EOWએ તેનો ઈરાની સાથે મુકાબલો કરતાં બંને વચ્ચે ઝઘડો થવા લાગ્યો. હવે જેકલીનને આવતા અઠવાડિયે ફરી બોલાવવામાં આવી શકે છે. સૂત્રોએ જણાવ્યું કે EOW હવે જેકલીનના તમામ જવાબોથી સંતુષ્ટ છે.
EOW અધિકારીઓએ તેમને કહ્યું કે તેઓ જમવા માટે તેમની હોટેલમાં જવા માટે મુક્ત છે, જેને તેમણે ના પાડી અને તેના બદલે પોલીસ કેન્ટીનમાં લંચ લીધું. એક અધિકારીએ કહ્યું કે, અમે તેમને ચંદ્રશેખર દ્વારા આપવામાં આવેલી ભેટોની યાદી તૈયાર કરવા કહ્યું છે. ચંદ્રશેખરને ફોર્ટિસ હેલ્થકેરના ભૂતપૂર્વ પ્રમોટર શિવિન્દર મોહન સિંહની પત્ની અદિતિ સિંહ સહિત કેટલાક હાઈ-પ્રોફાઈલ લોકો સાથે કથિત રીતે છેતરપિંડી અને ખંડણી કરવાના આરોપમાં ધરપકડ કરવામાં આવી હતી. જ્યારે ગયા વર્ષે એપ્રિલમાં, ચંદ્રશેખરને 2017ના ચૂંટણી પંચના લાંચ કેસથી સંબંધિત મની લોન્ડરિંગ કેસમાં ધરપકડ કરવામાં આવી હતી, જેમાં AIADMKના ભૂતપૂર્વ નેતા કથિત રીતે સામેલ હતા.
નોરા ફતેહીને પણ નોટિસ મોકલવામાં આવશે
બીજી તરફ, બોલિવૂડ હસ્તી નોરા ફતેહીને EOW દ્વારા આ કેસની તપાસના સંદર્ભમાં ગુરુવારે સવારે 11 વાગ્યે ફરીથી પૂછપરછ માટે બોલાવવામાં આવી છે. નોરા પહેલા સપ્ટેમ્બરના પ્રથમ સપ્તાહમાં EOW એ આ જ કેસમાં પૂછપરછ કરી હતી. સૂત્રોના જણાવ્યા અનુસાર, ગુરૂવારે નોરાની પૂછપરછ કર્યા બાદ પોલીસ નક્કી કરશે કે જેકલીનને ફરી ક્યારે બોલાવવામાં આવશે. બીજી તરફ, ચંદ્રશેખર સાથેના કથિત સંબંધોને લઈને EDએ બોલિવૂડના ઘણા કલાકારો અને મોડલની પૂછપરછ કરી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
