સુરક્ષા પ્રોટોકોલ..
1- સુરક્ષા પ્રાપ્ત વ્યક્તિના ઘર અને ઓફિસ પર હંમેશા સુરક્ષા કર્મચારીઓ તૈનાત હોય છે.
2- જો સુરક્ષા પ્રાપ્ત વ્યક્તિ કોઈ સ્થળની મુલાકાત લેવા માંગે છે તો પહેલા રૂટ નક્કી કરવામાં આવે છે.
3- આ પછી એડવાન્સ સિક્યોરિટી કોન્ટેક્ટ કરવામાં આવે છે.
4- સુરક્ષા એજન્સી હંમેશા 2 રૂટ નક્કી કરે છે. આ અંગે પોલીસને જાણ કરવામાં આવે છે.
5- સુરક્ષા પ્રાપ્ત વ્યક્તિ જેની સાથે મળવા માટે પ્રસ્તાવિત છે અને તે લોકોની યાદી બનાવવામાં આવે છે.
SPG કેટેગરી
સ્પેશિયલ પ્રોટેક્શન ગ્રુપની સુરક્ષા હવે માત્ર વડાપ્રધાનને જ ઉપલબ્ધ છે અને મળતા મીડિયા રિપોર્ટ્સ પ્રમાણે લગભગ 3000 SPG જવાનો વડાપ્રધાનની સુરક્ષામાં તૈનાત છે. તમામ SPG કર્મચારીઓ ઓટોમેટિક ગન FNF-2000 એસોલ્ટ રાઈફલ સહિત તમામ આધુનિક હથિયારોથી સજ્જ છે. 2020-21ના બજેટમાં SPG સુરક્ષા માટે 592.55 કરોડ રૂપિયા આપવામાં આવ્યા હતા.
2019 સુધી વડાપ્રધાન ઉપરાંત ગાંધી પરિવારને પણ આ સુરક્ષા આપવામાં આવતી હતી પરંતુ સંસદમાં કાયદો પસાર કરીને સરકારે ગાંધી પરિવાર પાસેથી SPG સુરક્ષા પાછી ખેંચી લીધી હતી.
આપણા દેશમાં અલગ અલગ સુરક્ષા કેટેગરી છે આવો જાણીએ..
Z+ સાથે NSG પ્રોટેક્શન
દેશના ગૃહમંત્રી ઉપરાંત નક્સલ પ્રભાવિત રાજ્યોના મુખ્યમંત્રીઓને આ સુરક્ષા આપવામાં આવે છે અને તેમાં Z+ ઉપરાંત NSGના 10-12 બ્લેક કેટ તૈનાત રહે છે.
Z+
Z+ કેટેગરીની સુરક્ષામાં કુલ 58 જવાન તૈનાત હોય છે અને આમાં 10 સશસ્ત્ર સ્ટેટિક ગાર્ડ્સ, 6 PSO એક સમયમાં રાઉન્ડ ધ ક્લોક, 24 જવાન 2 એસ્કોર્ટ્સમાં રાઉન્ડ ધ ક્લોક, 5 વોચર્સ બે શિફ્ટમાં રહે છે. આ સુરક્ષા કેટેગરી દેશની બીજી સૌથી મોટી સુરક્ષા કેટેગરી છે. હાલમાં સોનિયા-રાહુલના ઘણા VIPને આ સુરક્ષા આપવામાં આવી છે.
Z કેટેગરી
આ કેટેગરીની સુરક્ષામાં 4-5 NSG કમાન્ડો સહિત કુલ 22 સુરક્ષા ગાર્ડ તૈનાત કરવામાં આવે છે અને દિલ્હી પોલીસ, ITBP અથવા CRPF કમાન્ડો અને રાજ્યની લોકલ પોલીસને Z શ્રેણીમાં સામેલ કરવામાં આવી છે. ઓફિસ અને ઘર બંને જગ્યાએ સુરક્ષાકર્મીઓ તૈનાત કરવામાં આવે છે.
Y કેટેગરી
ઈન્ટેલિજન્સ બ્યુરોના રિપોર્ટમાં ઓછા જોખમવાળા લોકોને આ સુરક્ષા આપવામાં આવી છે અને આમાં કુલ 11 સુરક્ષાકર્મીઓ સામેલ છે જેમાં બે કમાન્ડો પણ રહે છે.
X કેટેગરી
આ કેટેગરીની સુરક્ષા મેળવનાર વ્યક્તિ સાથે બે સુરક્ષા ગાર્ડ તૈનાત રહે છે અને એક PSO પણ આમાં સામેલ હોય છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
