ગુજરાત સરકારે 31 મે સુધી દેશવ્યાપી લોકડાઉન વધારવાની જાહેરાત કરી છે. લોકડાઉન 4 હવે 14 દિવસનું રહેશે જેનો સમયગાળો 31 મે સુધીનો છે. તેના નિયમ, કાયદાની જાહેરાત થોડીવારમાં થશે. લોકડાઉન-3નો સમયગાળો આજે પુરો થવા જઇ રહ્યો છે. 24 માર્ચના રોજ વડાપ્રધાન નરેન્દ્ર મોદીએ પહેલાવીર લૉકડાઉનની જાહેરાત કરી હતી ત્યારે દેશમાં કોરોના વાયરસના લગભગ 300 દર્દી હતા.

12 રાજ્યોના 30 શહેરોમાં રહેશે કડક લોકડાઉન, ગુજરાતમાં આ શહેરોનો પણ સમાવેશ
કોરોનાના કારણે સમગ્ર દેશમાં હાલ હાહાકાર છે. દરરોજ 3000થી વધુ કેસ આવી રહ્યા છે. આ વધતા જતા કેસોને ધ્યાનમાં રાખીને, લોકડાઉનમાં અમુક જિલ્લાઓ અને મ્યુનિસિપલ વિસ્તારોમાં કોઈ રાહત નહી મળે તેવી શક્યતાઓ છે. જો કે, આરોગ્ય મંત્રાલયે આ જિલ્લાઓની સમીક્ષા કરવા વરિષ્ઠ અધિકારીઓ અને જિલ્લા મેજિસ્ટ્રેટ્સ સાથે બેઠક પણ યોજી હતી.

હોટ સ્પોટ વિસ્તારો માટે માર્ગદર્શિકા તૈયાર
પ્રાપ્ત વિગતો મુજબ જોઈએ તો, સૂત્રો કહે છે કે, આ જિલ્લાઓમાં લોકડાઉનના ચોથા તબક્કામાં કોઈ રાહત આપવામાં આવશે નહીં. કારણ કે, સરકારે કોરોના હોટસ્પોટ વિસ્તારો માટે જે માર્ગદર્શિકા તૈયાર કરી છે, તે ભારે ચેપવાળા વિસ્તારોમાં આ રોગચાળાને રોકવા માટે કડક હોવાનું કહેવાય છે.

30 શહેરોમાં નહીં મળી શકે છૂટ
આવી નગરપાલિકા વિસ્તારોમાં દિલ્હી, મહારાષ્ટ્ર, તામિલનાડુ, ગુજરાત, પશ્ચિમ બંગાળ, મધ્યપ્રદેશ, રાજસ્થાન, ઉત્તર પ્રદેશ, તેલંગાણા, આંધ્રપ્રદેશ, પંજાબ અને ઓડિશા રાજ્યોનો સમાવેશ થાય છે. મીટિંગ દરમિયાન જિલ્લાઓમાં કોરોનાની હાલની પરિસ્થિતિનો હિસાબ તૈયાર કરવામાં આવ્યો હતો, જેમાં ચેપ પુષ્ટિ દર, જીવલેણ દર, ડબલિંગ રેટ, દસ લાખ દીઠ પરીક્ષણ વગેરે જેવા તથ્યો પ્રકાશિત કરવામાં આવ્યા છે. અહીં જાણો કે આ રાજ્યોમાં કયા 30 શહેરો શામેલ છે.