નવી દિલ્હીઃ 24 માર્ચથી ચાલી રહેલા લોકડાઉનને કારણે દેશની જનતાને મોટા પ્રમાણમાં ચેપ લાગવાથી બચાવી લેવામાં આવ્યા છે, પરંતુ હમણાં લોકડાઉનમાંથી મુક્તિ મળવાના કોઈ સંકેતો નથી. વિદેશ મંત્રાલય, આરોગ્ય મંત્રાલય, ગૃહ મંત્રાલયના અધિકારીઓ હમણાં જ આ વિશે કંઈ કહેવાની સ્થિતિમાં નથી.
રાજસ્થાન, પંજાબ અને મહારાષ્ટ્ર સરકારોના અધિકારીઓ પણ માને છે કે કોવિડ -19 સામેની લડાઈ લાંબી રહેશે. પંજાબના મુખ્યમંત્રી કેપ્ટન અમરિન્દરસિંહે પ્રેસ કોન્ફરન્સ દરમિયાન નિષ્ણાતોને ટાંકીને આશંકા વ્યક્ત કરી હતી. રામ મનોહર લોહિયા હોસ્પિટલના સિનિયર ડોકટરે કેપ્ટન અમરિંદર સિંહની ધારણાને લગભગ યોગ્ય ગણાવી છે.
ત્રીજા તબક્કાની ઘણી નજીક છે કોવિડ-19: જયપુર હેલ્થ ડિપાર્ટમેન્ટના સ્ત્રોતના મતે, અમને કેન્દ્ર સરકાર દ્વારા મોકલવામાં આવેલી ઝડપી પરીક્ષણ કીટમાં ખૂબ વિશ્વાસ હતો. તેને ચીનમાંથી ભારત સરકારે મંગાવી હતી. પરંતુ કીટનાં ખોટા પરિણામોએ એકવાર ફરી મુંઝવણમાં મુક્યા હતા.
હવે સ્થિતિ એવી છે કે જ્યાં સુધી ICMR પરિસ્થિતિ અંગે સ્પષ્ટતા નહીં કરે ત્યાં સુધી કોવિડ -19 ની સ્ક્રીનિંગ પ્રક્રિયા બંધ રહેશે. તેની તપાસમાં સંસાધનોની કમી સતત આડે આવી રહી છે. કેન્દ્ર સરકાર દ્વારા રજૂ કરાયેલાં આંકડાઓ મુજબ દેશમાં કોવિડ-19થી સંક્રમણની સંભાવનાવાળો લોકોની સંખ્યા પણ 20 હજારથી વધુ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
