યુક્રેનમાં રશિયા સાથે ચાલી રહેલા યુદ્ધ દરમિયાન કિવના આકાશમાં એક ચમકતી વસ્તુએ લોકોને ડરાવી દીધા હતા. જો કે, અધિકારીઓએ જણાવ્યું હતું કે બુધવારે યુક્રેનની રાજધાની કિવ પર આકાશમાં ચમકતા પ્રકાશ એ ‘હવાઈ હુમલાની ચેતવણી’ નહોતી પરંતુ પૃથ્વીના વાતાવરણમાં નાસાના ઉપગ્રહના પ્રવેશને કારણે થઈ હતી અને કિવના સૈન્ય પ્રશાસનના વડા સેર્ગી પોપકોએ એક ટેલિગ્રામમાં જણાવ્યું હતું કે, “પ્રારંભિક માહિતી અનુસાર, આ ઘટના નાસાના સ્પેસ સેટેલાઇટ પૃથ્વી પર પડવાના પરિણામે બની હતી.”
અમેરિકી સ્પેસ એજન્સીએ આ સપ્તાહની શરૂઆતમાં જાહેરાત કરી હતી કે 660-પાઉન્ડ (300-કિલોગ્રામ)નો ઉપગ્રહ બુધવારે ક્યારેક વાતાવરણમાં ફરી પ્રવેશ કરશે અને તેનો અવકાશની ભ્રમણકક્ષામાં રહેવાનો સમય પૂરો થઈ ગયો છે.
NASAએ જણાવ્યું હતું કે RHESSI અવકાશયાન જેનો ઉપયોગ સૌર જ્વાળાઓનું અવલોકન કરવા માટે થાય છે. તેને 2002માં પૃથ્વીની નીચી ભ્રમણકક્ષામાં લોન્ચ કરવામાં આવ્યું હતું અને 2018માં તેને રદ કરવામાં આવ્યું હતું અને પોપકોએ જણાવ્યું હતું કે કિવના આકાશમાં લગભગ 10 વાગ્યે (1900 GMT) એક ‘તેજસ્વી પ્રકાશ’ જોવા મળી હતી અને ત્યાર બાદ હવાઈ હુમલાની ચેતવણી સક્રિય થઈ હતી પરંતુ ‘હવાઈ સંરક્ષણ કાર્યમાં નહોતું’.
થોડા સમય બાદ યુક્રેનિયન એરફોર્સે પણ જણાવ્યું હતું કે ફ્લેશ ‘ઉપગ્રહ/ઉલ્કા’ ના પતન સાથે સંબંધિત છે. યુક્રેનિયન સોશિયલ મીડિયા અટકળો અને મીમ્સથી છલકાઇ ગયું હતું જ્યારે ઘણી ચેનલોએ કિવ પર આકાશમાં ચમકીલા પ્રકાશ દર્શાવતા વિડિઓઝ પોસ્ટ કર્યા હતા અને ત્યાર બાદ એરફોર્સે કહેવું પડ્યું હતું કે, તમે લોકો મીમ્સ બનાવવા માટે એરફોર્સના સત્તાવાર પ્રતીકનો ઉપયોગ કરશો નહીં.
નાસાએ સોમવારે એક નિવેદનમાં જણાવ્યું હતું કે તેને અપેક્ષા છે કે રિયૂવેન રામાટી હાઈ એનર્જી સોલર સ્પેક્ટ્રોસ્કોપિક ઈમેજર અવકાશયાન વાતાવરણમાં પ્રવેશતાની સાથે જ બળી જશે અને નાસાએ કહ્યું હતું કે, ‘પરંતુ કેટલાક ઘટકોના ફરીથી જીવિત રહેવાની અપેક્ષા છે. જો કે, નાસાએ સ્પષ્ટ કર્યું કે પૃથ્વી પર કોઈપણ વ્યક્તિને નુકસાન થવાનું જોખમ અત્યંત ઓછું છે.’
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
