વાપી જીઆઇડીસી વિસ્તારમાં એક ગોડાઉનમાં લગ્ન પ્રસંગ માટે એકઠો કરવામાં આવેલા પાંચ લાખ રૂપિયાથી વધુની કિંમતનો દારૂ ઝડપાયો છે. આ સાથે પોલીસે ત્રણ વેપારીઓની પણ ધરપકડ કરી છે.
વાપી જીઆઇડીસી પોલીસને મળેલી બાતમીના આધારે પોલીસે જીઆઈડીસીના ફોરટી શેડ વિસ્તારમાં આવેલા પ્લોટ નંબર 779/2માં રેડ કરી હતી. રેડ દરમિયાન ગોડાઉનમાં પાર્ક કરવામાં આવેલી એક કારમાં તપાસ કરતાં કારમાંથી મોટી માત્રામાં વિદેશી દારૂનો જથ્થો મળી આવ્યો હતો. આથી પોલીસે ઓમ માર્કેટિંગ સર્વિસ નામના ગોડાઉનમાં પણ તપાસ હાથ ધરી હતી.
ધરપકડ બાદ આરોપીઓની પૂછપરછ કરતાં આરોપીઓ પરિવારમાં લગ્ન પ્રસંગ હોવાથી સેલવાસના નરોલીમાં આવેલા પૃથ્વીરાજ બારમાંથી વિદેશી દારૂનો જથ્થો લાવ્યા હોવાનું જણાવ્યું હતું.
વાપીના સારા ઘરના એવા અને જાણીતા વેપારી લાઈનના આરોપીઓ ઉજ્જવલ દેસાઈ, ધવલ દેસાઇ અને કરણ ઘડિયાલીની ધરપકડથી અનેક જાણીતા અગ્રણીઓ પણ પોલીસ સ્ટેશન પહોંચ્યા હતા અને પતાવટ માટે ધમપછાડા કર્યા.
પોલીસે આ કેસમાં પાંચ લાખના વિદેશી દારૂ અને કાર મળી અંદાજે 10. 88 લાખનો મુદ્દામાલ કબજે કરી તમામ વિરુદ્ધ કાયદેસરની કાર્યવાહી હાથ ધરી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
