પેરિસ પેરાલિમ્પિક્સ 2024માં ભારતે અત્યાર સુધી 20 મેડલ જીત્યા છે, જેમાંથી 3 ગોલ્ડ, 7 સિલ્વર અને 10 બ્રોન્ઝ મેડલ છે. ભારત હાલમાં પેરાલિમ્પિક મેડલ ટેલીમાં 19મા સ્થાને છે.
પેરિસ પેરાલિમ્પિક્સ 2024માં ભારતે ઈતિહાસ રચ્યો છે અને પોતાનો જ પેરાલિમ્પિક ગેમ્સમાં સૌથી વધુ મેડલ જીતવાનો તેનો જૂનો રેકોર્ડ તોડ્યો છે. પેરિસમાં ચાલી રહેલી આ ગેમ્સમાં ભારતે અત્યાર સુધી 20 મેડલ જીત્યા છે. આ પહેલા ભારતે ટોક્યો પેરાલિમ્પિકમાં કુલ 19 મેડલ જીત્યા હતા.
ભારતે જીતેલ આ 20 મેડલમાંથી 3 ગોલ્ડ, 7 સિલ્વર અને 10 બ્રોન્ઝ મેડલ છે. ભારતીય પેરા એથલેટિક્સે 10 મેડલ જીત્યા છે, જ્યારે બેડમિન્ટનમાં 5 મેડલ જીત્યા છે. ભારતને શૂટિંગમાં 4 અને તીરંદાજીમાં 1 મેડલ મળ્યો છે. ભારતે 3જી સપ્ટેમ્બરે એટલે કે છઠ્ઠા દિવસે 5 મેડલ જીત્યા હતા જેમાં દીપ્તિ જીવનજી, શરદ કુમાર, મરિયપ્પન થંગાવેલુ, અજીત સિંહ અને સુંદર ગુર્જરે આ મેડલ જીત્યા હતા.
ભારત હાલમાં પેરાલિમ્પિક મેડલ ટેલીમાં 20 મેડલ જીતીને 19માં સ્થાને છે. ચીન કુલ 115 મેડલ સાથે ટોચ પર છે, ગ્રેટ બ્રિટન 61 મેડલ સાથે બીજા સ્થાને છે. આવી સ્થિતિમાં ભારતને વધુમાં વધુ મેડલ જીતવાની અને મેડલ ટેબલમાં ટોચના સ્થાને પહોંચવાની આશા છે.
પેરિસ પેરાલિમ્પિક્સ 2024માં ભારતીય મેડલ વિજેતાઓ
અવની લેખારાને શૂટિંગમાં મહિલા 10 મીટર એર રાઈફલ સ્ટેન્ડિંગ SH1માં ગોલ્ડ મેડલ મળ્યો.
મોના અગ્રવાલને શૂટિંગમાં મહિલાઓની 10 મીટર એર રાઈફલ સ્ટેન્ડિંગ એસએચ1 બ્રોન્ઝ મળ્યો.
પ્રીતિ પાલને એથ્લેટિક્સ મહિલા 100 મીટર T35માં બ્રોન્ઝ મેડલ મળ્યો.
મનીષ નરવાલને શુટિંગ મેન 10 મીટર એર પિસ્તોલ SH1માં સિલ્વર મેડલ મળ્યો.
રૂબીના ફ્રાન્સિસને શુટિંગ વુમન 10 મીટર એર પિસ્તોલ એસએચ1માં બ્રોન્ઝ મેડલ મળ્યો.
પ્રીતિ પાલને એથ્લેટિક્સ મહિલા 200 મીટર T35માં બ્રોન્ઝ મેડલ મળ્યો.
નિષાદ કુમારને એથ્લેટિક્સ મેન હાઈ જમ્પ T47માં સિલ્વર મેડલ મળ્યો.
યોગેશ કથુનિયાને એથ્લેટિક્સ મેન ડિસ્કસ થ્રો F56માં સિલ્વર મેડલ મળ્યો.
નિતેશ કુમારને બેડમિન્ટન મેન્સ સિંગલ્સ SL3માં ગોલ્ડ મેડલ મળ્યો.
થુલાસિમાથી મુરુગેસનને બેડમિન્ટન મહિલા સિંગલ્સ SU5માં સિલ્વર મેડલ મળ્યો.
મનીષા રામદાસને બેડમિન્ટન મહિલા સિંગલ્સ SU5માં બ્રોન્ઝ મેડલ મળ્યો.
સુહાસ યથિરાજને બેડમિન્ટન મેન્સ સિંગલ્સ SL4માં સિલ્વર મેડલ મળ્યો.
રાકેશ કુમાર / શીતલ દેવીને તીરંદાજી મિશ્રિત ટીમ કમ્પાઉન્ડ ઓપનમાં બ્રોન્ઝ મેડલ મળ્યો
સુમિત એન્ટિલને એથ્લેટિક્સ મેન્સ જેવલિન થ્રો F64માં ગોલ્ડ મેડલ મળ્યો.
નિત્યા શ્રી સિવનને બેડમિન્ટન મહિલા સિંગલ્સ SH6માં બ્રોન્ઝ મેડલ મળ્યો.
દીપ્તિ જીવનજીને એથ્લેટિક્સ મહિલા 400 મીટર T20માં બ્રોન્ઝ મેડલ મળ્યો.
મરિયપ્પન થાંગાવેલુને એથ્લેટિક્સ મેન્સ હાઈ જમ્પ T63માં બ્રોન્ઝ મેડલ મળ્યો.
શરદ કુમારને એથ્લેટિક્સ મેન્સ હાઈ જમ્પ T63માં સિલ્વર મેડલ મળ્યો.
અજીત સિંહને એથ્લેટિક્સ મેન્સ જેવલિન થ્રો F46માં સિલ્વર મેડલ મળ્યો.
સુંદર સિંહ ગુર્જરને એથ્લેટિક્સ મેન જેવલિન થ્રો F46માં બ્રોન્ઝ મેડલ મળ્યો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
