છેલ્લા 12 દિવસમાં એક લીટર પેટ્રૉલની કિંમતમાં 2 રૂપિયા 15 પૈસાનો વધારો થયો છે
પેટ્રૉલ-ડિઝલની કિંમતોમાં ફરી એકવાર વધારાનો સિલસિલો શરૂ થયો છે. આજે જ દિલ્હીમાં તેલ કંપનીઓએ પેટ્રૉલના ભાવમાં 29 પૈસા અને ડિઝલની કિંમતોમાં 19 પૈસાનો વધારો કરી દીધો છે.
હવે આ નવા વધારા બાદ રાષ્ટ્રીય રાજધાનીમાં એક લીટર પેટ્રૉલ 73 રૂપિયા 91 પૈસા અને ડિઝલ 66 રૂપિયા 93 પૈસાની કિંમત સાથે વેચાઇ રહ્યું છે.
મુંબઇની વાત કરીએ તો પેટ્રૉલ 79 રૂપિયા 57 પૈસા પ્રતિ લીટર અને ડિઝલ 70 રૂપિયા 22 પૈસા પ્રતિ લીટર છે. પેટ્રૉલ-ડિઝલની કિંમતોમાં 11 સપ્ટેમ્બરમાં તેજી દેખાઇ રહી છે, 11 તારીખે એક લીટર પેટ્રૉલની કિંમત દિલ્હીમાં 71 રૂપિયા 76 પૈસા હતી.
છેલ્લા 12 દિવસમાં એક લીટર પેટ્રૉલની કિંમતમાં 2 રૂપિયા 15 પૈસાનો વધારો થયો છે. ડિઝલની વાત કરીએ તો આટલા જ દિવસોમાં 1 રૂપિયો 79 પૈસાનો ડિઝલમાં વધારો થયો છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
