રાજ્યમાં આગામી 21 ઓક્ટબરે 4 બેઠક પર યોજાનારી પેટાચૂંટણીને લઇને રાજ્યના ભાજપના પ્રદેશ પ્રમુખ જીતુ વાઘાણી અને કોષાધ્યક્ષ ગોરધન ઝડફિયાએ પક્ષની જીત નક્કી હોવાનું જણાવ્યું છે.
રાજ્યની તમામ ચાર બેઠક પર ભાજપની જીત થશેઃ ઝડફિયા
ભાજપની ઉપલબ્ધિઓ લોકો સુધી પહોંચાડીશુંઃ ઝડફિયા
આ તમામ બેઠક પર ભાજપની જીત નિશ્ચિત છેઃ જીતુ વાઘાણી
પ્રદેશ અધ્યક્ષ જીતુ વાઘાણીએ પેટાચૂંટણીમાં જીતનો કર્યો દાવો
ભાજપ પ્રદેશ પ્રમુખ જીતુ વાઘાણીએ ગુજરાતમાં યોજાનારી ચાર બેઠકની પેટાચૂંટણીમાં ભાજપની જીતનો દાવો કર્યો છે. જીતુ વાઘાણીએ કહ્યું છે આ તમામ બેઠક પર ભાજપની જીત નિશ્ચિત છે. રાજ્યની જનતાએ 23 વર્ષથી કોંગ્રેસને જાકારો આપ્યો છે. ચૂંટણી હોય કે ન હોય ભાજપ હંમેશા લોકો વચ્ચે રહે છે. જ્યારે કોંગ્રેસ બે જ્ઞાતિઓ વચ્ચે ઝઘડા કરાવવાનું કામ કરે છે. કોંગ્રેસે વિધાનસભા પેટાચૂંટણીમાં જીતનુ દિવાસ્વપ્ન જોવાનું બંધ કરવું જોઇએ.
ભાજપના ઉપાધ્યક્ષ ગોરધન ઝડફિયાનું નિવેદન
ગુજરાતની ચાર બેઠક પર પેટાચૂંટણીની જાહેરાત બાદ ભાજપના ઉપાધ્યક્ષ ગોરધન ઝડફિયાએ નિવેદન આપ્યું છે. ઝડફિયાએ કહ્યું કે રાજ્યની તમામ ચાર બેઠક પર ભાજપની જીત થશે. જ્યારે મહારાષ્ટ્ર અને હરિયાણા વિધાનસભામાં પણ ભગવો લહેરાશે. વિધાનસભાની આ ચૂંટણીમાં ભાજપની ઉપલબ્ધિઓ લોકો સુધી પહોંચાડીશું. જેમાં સરકારની સિદ્ધિઓથી પ્રજાને વાકેફ કરવામાં આવશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
