સુશાંતસિંહ રાજપૂતના મૃત્યુ સાથે જોડાયેલા ડ્રગ્સ કેસમાં મોટો ખુલાસો કર્યો છે અને હા, NCBએ દાવો કર્યો છે કે સુશાંત સિંહ રાજપૂતની કથિત ગર્લફ્રેન્ડ રિયા ચક્રવર્તીએ તેના ભાઈ શોવિક સહિત અન્ય આરોપીઓ પાસેથી ઘણી વખત ગાંજો ખરીદ્યો હતો અને તેને અભિનેતા સુશાંત સિંહને આપ્યો હતો અને આપને જણાવી દઈએ કે NCBએ તાજેતરમાં NDPS કોર્ટમાં સુશાંત મૃત્યુ કેસમાં 35 આરોપીઓ વિરુદ્ધ ડ્રાફ્ટ આરોપો દાખલ કર્યા હતા અને જેની સુનાવણી મંગળવારે હાથ ધરવામાં આવી હતી.
12 જુલાઈના રોજ, NCB એ પણ ખુલાસો કર્યો હતો કે રિયા ચક્રવર્તી, શોવિક સહિત તમામ આરોપીઓએ માર્ચ 2020 થી ડિસેમ્બર 2020 સુધી એકબીજા સાથે કાવતરું ઘડ્યું હતું, જેથી તેઓ “બોલીવુડ અને હાઈ સોસાયટી” માં ડ્રગ્સનો ઉપયોગ કરી શકે અને વિતરણ, વેચાણ અને ખરીદી કરી શકે.
NCBએ મંગળવારે દાવો કર્યો હતો કે આરોપીઓએ માત્ર મુંબઈની અંદર ડ્રગ્સની દાણચોરી માટે ભંડોળ પૂરું પાડ્યું ન હતું પરંતુ ગાંજા, ચરસ, કોકેન જેવા માદક દ્રવ્યોનો પણ ઉપયોગ કર્યો હતો અને આ તમામ આરોપીઓ સામે ગેરકાયદેસર હેરફેર અને ગુનેગારોને આશ્રય આપવા માટે ભંડોળ પૂરું પાડવા માટે કલમ 27 અને 27A લાગુ કરવામાં આવી છે. આ સિવાય કલમ 28 અને કલમ 29 હેઠળ કેસ નોંધવામાં આવ્યો છે.
કોર્ટ આરોપો ઘડતા પહેલા તમામ આરોપીઓની નિર્દોષ છૂટની અરજી પર વિચાર કરશે અને એનડીપીએસ એક્ટ સંબંધિત કેસોની સુનાવણી કરતા સ્પેશિયલ જજ વીજી રઘુવંશીએ આ મામલે સુનાવણી માટે 27 જુલાઈની તારીખ નક્કી કરી છે. એટલે કે હવે આગામી સુનાવણી 15 દિવસ પછી થશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
