સુશાંત સિંહ રાજપૂત કેસમાં ડ્રગ્સ કનેકશનની વિગત બહાર આવ્યા બાદ એનસીબી (નાર્કોટીકસ કન્ટ્રોલ બ્યુરો)એ કાર્યવાહી આગળ વધારી છે. એનસીબીએ આજે સુશાંત સિંહ રાજપૂતની ગર્લફ્રેન્ડ રિયા ચક્રવર્તી અને સુશાંતના હાઉસ મેનેજર સેમ્યુઅલ મિરાન્ડાના ઘરે દરોડા પાડયા હતો. ત્યાર બાદ રિયાના ભાઇ શોવિક ચક્રવર્તીને અને સેમ્યુઅલ મિરાન્ડાને તાબામાં લીધા હતા.
સીબીઆઇ પણ આ કેસમાં તપાસ કરી રહી છે ત્યારે એવા અહેવાલો છે કે ગમે ત્યારે એજન્સી રીયા અને અન્યોની ધરપકડ કરી શકે છે. આજે સવારે 6.30 વાગ્યાની આસપાસ એનસીબીની બે ટીમ રિયા-શોવિકના ઘરે પહોંચી ગઇ હતી અને સર્ચ ઓપરેશન હાથ ધર્યુ હતું. જયારે અન્ય એક ટીમ સેન્યુઅલ મિરાન્ડાના ઘરે પહોંચી ગઇ હતી.
એનસીબીની ટીમે રિયાના ભાઇ શોવિકની ચાર કલાક પૂછપરછ કર્યા બાદ તાબામાં લીધો હતો અને તેની સાથે લઇ ગયા હતા જયારે બીજી તરફ સેમ્યુઅલ મિરાન્ડાની પણ સાડા ત્રણ કલાક પૂછપરછ કર્યા બાદ તેને પણ તાબામાં લીધો હતો.
એનસીબીએ શોવિકના ઘરે તેમજ તેની કારની પણ તપાસ કરી હતી. એનસીબીએ શોવિકને ત્યાંથી અમૂક ઇલેકટ્રોનિક ડિવાઇસ કબજામાં લીધા હતા. આ ઉપરાંત તેના પાસેથી એક ડાયરી પણ જપ્ત કરવામાં આવી છે. એવુ કહેવાય છે કે આ ડાયરીમાંથી ડ્રગ પેડલરો અથવા ડ્રગ માફિયા સંબંધી માહિતી મળી શકે છે.
રિયાની તપાસ દરમિયાન તેનાન ભાઇ શોવિક અને સુશાંતના હાઉસ મેનેજર સેમ્યુઅલ મિરાન્ડાની વચ્ચે થયેલ એક ચેટ મળી આવી હતી. જેમા રિયા ડ્રગ્સ બાબતે વાત કરતી જોવા મળે છે. તેણે આ ચેટમાં ‘બડ’ જેવા ડ્રગ્સના શબ્દનો પણ ઉલ્લેખ કર્યો છે. જોકે આ ચેટમાં સુશાંતનુ સીધુ નામ લેવામાં આવ્યુ નથી પઇ એવુ માનવામાં આવે છે કે રિયા આ ડ્રગ્સ સુશાંત માટે જ મગાવતી હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
