દિલ્હીના જગતપુરી એરિયામાં એક બસ જોતજોતામાં સળગીને ખાખ થઈ ગઈ હતી.
દિલ્હીના જગતપુરી વિસ્તારમાં એક મોટો અકસ્માત થયો છે. મુસાફરોથી ભરેલી ક્લસ્ટર બસમાં આગ લાગી હતી. મુસાફરોને તાકીદે બસમાંથી બહાર કાઢવામાં આવ્યા હતા. બસમાં લાગેલી આગને કારણે જગતપુરી, પ્રીત વિહાર અને પટપરગંજ વિસ્તારમાં કેટલાય કિલોમીટર સુધી ટ્રાફિક જામ થઈ ગયો છે.
બાઈક સવારે ડ્રાઈવરને આગની માહિતી આપી
બસમાં બેઠેલા લોકો માટે બાઇક સવાર એક વ્યક્તિ ‘દેવદૂત’ બનીને આવ્યો હતો. બસમાં આગ લાગી હોવાની માહિતી બાઈક સવારે ડ્રાઈવરને આપી હતી. બાઈક સવાર એક વ્યક્તિએ બસ ડ્રાઇવરને કહ્યું કે ક્લસ્ટર બસમાં આગ લાગી છે. ડ્રાઈવરે તરત જ બસ રોકી અને અંદર બેઠેલા તમામ મુસાફરોને બહાર કાઢવામાં આવ્યા. બસમાં આગ લાગ્યા બાદ એક વીડિયો પણ સામે આવ્યો છે. વીડિયોમાં બસ આગના ગોળાની જેમ સળગતી જોવા મળી રહી છે. ધુમાડાના ગોટેગોટા ઉપર ઉઠી રહ્યા છે. વીડિયો શૂટ કરનાર વ્યક્તિ ‘દોડો દોડો’ કહેતો સંભળાય છે.
કેટલાય કિલોમીટર સુધી ટ્રાફિક જામ
બસમાં આગ લાગ્યા બાદ જગતપુરી, પ્રીત વિહાર અને પટપરગંજ વિસ્તારમાં અનેક કિલોમીટર લાંબો જામ હતો. બીજી લેન પર વાહનો ધીમે ધીમે જતા જોવા મળે છે. હળવો વરસાદ પણ પડી રહ્યો છે. બસની અંદર રેસ્ક્યુ ટીમના લોકો દેખાય છે. બસ સંપૂર્ણપણે બળીને રાખ થઈ ગઈ છે.
કોઈ જાનહાનિ નહીં
આખી બસ બળી ગઈ હોવા છતાં પણ સદનસીબે કોઈ જાનહાની થઈ નહોતી. બધા પ્રવાસીઓ સમયસર બસમાંથી ઉતરી જતાં બચી ગયાં હતા. માહિતી મળ્યા બાદ ત્રણ ફાયર ટેન્ડર ઘટનાસ્થળે મોકલવામાં આવ્યા હતા. એક કલાકમાં આગ પર સંપૂર્ણ કાબુ મેળવી લેવાયો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
