સામંથા રૂથ પ્રભુ ઘણીવાર એક યા બીજા કારણોસર ચર્ચામાં રહે છે. તેણે ‘થેરી’, ‘રંગસ્થલમ’, ‘મક્કી’ જેવી ઘણી ફિલ્મોમાં પોતાના અભિનયથી લોકોને પ્રભાવિત કર્યા છે તેમજ જો કે સામંથા મનોજ બાજપેયી સ્ટારર વેબ સિરીઝ ‘ફેમિલી મેન 2’માં પણ જોવા મળી હતી અને જેમાં દર્શકોએ તેના કામની પ્રશંસા કરી હતી. ત્યારથી લોકો તેના બોલિવુડ ડેબ્યૂની રાહ જોઈ રહ્યા છે.
તેના બોલિવુડ ડેબ્યૂને લઈને વિવિધ અટકળો લગાવવામાં આવી રહી હતી. જો કે હવે લાગે છે કે એમને હિન્દી ફિલ્મમાં જોવાનું ચાહકોનું સપનું સાકાર થવાનું છે, કારણ કે અભિનેત્રીને એક સ્ક્રિપ્ટ પસંદ આવી છે.
અત્યાર સુધી બી-ટાઉનના ઘણા ટોચના ફિલ્મ નિર્માતાઓએ હિન્દી ફિલ્મો માટે સાઉથ બ્યુટી સામંથાનો સંપર્ક કર્યો છે અને એવા અહેવાલો પણ હતા કે તેણીએ કેટલીક ફિલ્મો સાઈન કરી છે, પરંતુ હજુ સુધી કંઈ સ્પષ્ટ થયું નથી.
મળતા મીડિયા રિપોર્ટ્સ અનુસાર, સામંથાએ આખરે તેની બોલિવુડ ડેબ્યૂ ફિલ્મ સાઈન કરી લીધી છે અને ટૂંક સમયમાં અભિનેત્રી આયુષ્માન ખુરાના સાથે સ્ક્રીન શેર કરશે અને તેનું નિર્માણ દિનેશ વિજનની મેડૉક ફિલ્મ્સ હેઠળ કરવામાં આવશે. રિપોર્ટ્સ અનુસાર , તમામ પેપરવર્ક પૂર્ણ થઈ ગયું છે અને મેકર્સ ટૂંક સમયમાં ફિલ્મની જાહેરાત કરે તેવી શક્યતા છે.
સામંથાને દિનેશ વિજનની સ્ક્રિપ્ટ ગમી. એવું કહેવામાં આવી રહ્યું છે કે સામંથા માટે આ પરફેક્ટ બોલિવુડ લોન્ચ છે કારણ કે આ ફિલ્મમાં તેની સાથે આયુષ્માન ખુરાના મુખ્ય ભૂમિકામાં હશે અને આ ઉપરાંત, સામંથા તાપસી પન્નુ સાથે મહિલા કેન્દ્રિત ફિલ્મ તેમજ ધર્મા પ્રોડક્શન હેઠળ અક્ષય કુમાર સાથેની ફિલ્મ માટે પણ ચર્ચામાં છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
