જાણીતી ફિલ્મ અભિનેત્રી સોહા અલી ખાને (Soha ali khan) ગઈકાલે ટ્વીટર (Twitter) પર એક પોસ્ટ મુકી અમદાવાદમાં (Ahmedabad) ગુમ થયેલી યુવતી વૃષ્ટી જસુભાઈને શોધવા માટે અપીલ કરી હતી. સોહાની અપીલ બાદ દેશભરમાં સોશિયલ મીડિયા (Social media) પર વૃષ્ટીને (Vrushti jasubhai) શોધવા માટે અભિયાન થયું છે. વૃષ્ટીની સાથે તેનો મિત્ર શિવમ પટેલ પણ ગુમ થયો છે.
‘ટાઇમ્સ ઑફ ઇન્ડિયા’ના અહેવાલ મુજબ વૃષ્ટીના નાના અભય કોઠારીએ જણાવ્યું હતું કે વૃષ્ટી 24 વર્ષની છે અને તે ફેશન ડિઝાઇનર છે. હાલમાં તે પોતાના માતાપિતા સાથે બોડકદેવમાં રહે છે. છેલ્લે વૃષ્ટી શિવમ પટેલ નામના યુવકને મળવા ગઈ હતી ત્યારથી શિવમ પણ ગાયબ છે. સોશિયલ મીડિયા પર વૃષ્ટી અને શિવમની તસવીર સાથે શોધ અભિયાન શરૂ થયું છે.
અહેવાલ મુજબ પોલીસે જાણવા જોગ નોંધી છે. પોલીસ વૃષ્ટી સાથે યુવક શિવમ પટેલની તલાશ પણ કરી રહી છે. પોલીસ વૃષ્ટીના મિત્રો, પાડોશીઓ અને મોબાઇલ લોકેશનની તપાસ કરશે. વૃષ્ટીની તલાસ સોશિયલ મીડિયામાં તેજ બની છે ત્યારે પોલીસ હવે ક્યાં પ્રકારની કામગીરી કરે છે તે જોવું રહ્યું.
આજના સમયે બૉલિવૂડ સ્ટાર્સ પોતાના ઈન્સ્ટાગ્રામ એકાઉન્ટ પર પોસ્ટ કરવામાં લાખો પૈસા વસૂલે છે. ત્યારે સોહાની આ મુહિમ ઘણી અલગ છે અને સોશિયલ મીડિયા પર ચર્ચાનો વિષય બની ગઈ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
