સુરેન્દ્રનગર જિલ્લામાં કોરોના વાયરસનો પ્રથમ પોઝિટીવ કેસ સામે આવ્યો છે. થાન ખાતે રહેતા 61 વર્ષના વ્યક્તિનો રિપોર્ટ પોઝિટીવ આવ્યો છે. દર્દીનું નામ ઘુઘાભાઈ બાવળીયા હોવાનું સામે આવ્યું છે. પ્રાથમિક તપાસમાં સામે આવ્યું છે કે દર્દીની બોટાદની ટ્રાવેલ હિસ્ટ્રી ધરાવે છે. જિલ્લામાં સૌ પ્રથમ કોરાના વાયરસનો પોઝિટીવ કેસ સામે આવતા તંત્રમાં દોડધામ મચી ઉઠી છે.

કુલ દર્દી 2626, 112ના મોત અને 258 ડિસ્ચાર્જ

સાયલા ગામમા પ્રવેશતા 6 જેટલા રોડ બ્લોક કરવામા આવ્યા
સુરેન્દ્રનગરના સાયલા તાલુકામાં રાત્રીના સમયે જુદા જુદા રસ્તાઓમાંથી ગામની અંદર બહારના જિલ્લામાંથી આવીને પ્રવેશ કરતા હતા તેના કારણે આરોગ્ય વિભાગને પણ હોમ કોરોન્ટાઇન કેસોમા વધારો જોવા મળતા સાયલા બાયપાસથી પોલીસ દ્વારા ચેકિંગ કરવામાં આવી રહ્યું છે. બીજી તરફ ગામમાં પ્રવેશતા 6 જેટલા રોડ બ્લોક કરવામાં આવ્યાં છે. સાયલાથી નજીક પડતા જિલ્લાઓ બોટાદ, રાજકોટ, અમદાવાદ તરફથી સાયલા શહેરમા પ્રવેશવાના તમામ માર્ગોને બંધ કરવામા આવ્યા. શહેરના સરોવરીયા મહાદેવ સોમનાથ સોસાયટી બગીચા પાસે આવા રસ્તાઓ બ્લોક કરી દેવામાં આવ્યા છે જેના કારણોસર બહારથી આવનારી કોઈપણ વ્યક્તિ ગામની અંદર પ્રવેશી ન શકે.