Income Tax Audit Report File Latest News : આજે 30મી સપ્ટેમ્બર ઈન્કમ ટેક્સ ઓડિટ રિપોર્ટ ફાઈલ કરવાની છેલ્લી તારીખ છે પરંતુ અમુક કરદાતાઓને આવી રહેલી ટેકનિકલ મુશ્કેલીઓને ધ્યાનમાં રાખીને ઈન્કમ ટેક્સ વિભાગે મોટો નિર્ણય લીધો.
Income Tax Audit Report File : ઈન્કમ ટેક્સ ભરનારા કરદાતાઓને આજે મોટી રાહત મળી છે. વાસ્તવમાં સેન્ટ્રલ બોર્ડ ઓફ ડાયરેક્ટ ટેક્સિસ એટલે કે CBDT એ છેલ્લા વર્ષ એટલે કે 2023-24 માટે અલગ ઓડિટ રિપોર્ટ્સ ફાઇલ કરવાની છેલ્લી સમયમર્યાદા લંબાવી છે. આજે 30મી સપ્ટેમ્બર ઈન્કમ ટેક્સ ઓડિટ રિપોર્ટ ફાઈલ કરવાની છેલ્લી તારીખ છે પરંતુ અમુક કરદાતાઓને આવી રહેલી ટેકનિકલ મુશ્કેલીઓને ધ્યાનમાં રાખીને ઈન્કમ ટેક્સ વિભાગે આ નિર્ણય લીધો છે.
છેલ્લી તારીખ કઈ છે જાણો ?
આવકવેરા ઓડિટ રિપોર્ટ ફાઇલ કરવાની છેલ્લી તારીખ 7 દિવસ લંબાવવામાં આવી છે. જેથી હવે આ તારીખ 7 ઓક્ટોબર 2024 સુધી લંબાવવામાં આવી છે. તેને વધારવાનું કારણ એ છે કે, કરદાતાઓને ઓડિટ રિપોર્ટ ફાઇલ કરવામાં ખાસ કરીને ઇલેક્ટ્રોનિક ફાઇલિંગમાં જે મુશ્કેલીઓનો સામનો કરવો પડી રહ્યો છે તેને ધ્યાનમાં રાખીને આ નિર્ણય જરૂરી બન્યો છે.
આજે છેલ્લી તારીખ પહેલા પણ CBDTએ નિર્ણય લીધો છે અને મોટી સંખ્યામાં ઓડિટ રિપોર્ટ સબમિટ કરનારા કરદાતાઓને સુવિધા પૂરી પાડી છે.
કરદાતાઓ માટે ઓડિટ કરાવવાની છેલ્લી તારીખ ક્યારે છે?
ઘણા કરદાતાઓ કે, જેઓ ઓડિટ કરાવે છે તેઓએ પહેલા ઓડિટ રિપોર્ટ ફાઈલ કરવાનો હોય છે અને પછી ઓડિટ રિપોર્ટ સાથે ટેક્સ જમા કરાવવો પડે છે. જો કરદાતાઓ પાછળ રહે છે અથવા ઓડિટ રિપોર્ટ સબમિટ કરવામાં નિષ્ફળ જાય છે તો તેમના પર લાદવામાં આવેલ દંડ 1.5 લાખ રૂપિયા સુધી જઈ શકે છે. તેથી કરદાતાઓને આ કામ કરવા માટે આજે વધુ 7 દિવસનો સમય મળ્યો છે જેથી તેઓ સમયસર ઓડિટ રિપોર્ટ ફાઇલ કરી શકે. હવે આવકવેરા વિભાગે તેની છેલ્લી તારીખ લંબાવી છે. આ નિર્ણય આવકવેરા અધિનિયમ 139 ની પેટા કલમ (1) હેઠળ લેવામાં આવ્યો છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
