પ્રેમી યુવકની સગાઈ અન્યત્ર થતા લાગી આવતા યુવતીએ ડેમમાં જંપલાવ્યું હતું

જુનાગઢ નજીકના ઝાંઝરડામાં રહેતી જાનવી હિતેશભાઈ મહેતા નામની યુવતી કોમ્પ્યુટર એન્જિનિયરિંગના અંતિમ વર્ષમાં અભ્યાસ કરતી હતી આ વિદ્યાર્થીની અને તેની બહેનપણી સાથે ત્રણ દિવસ પહેલા હસનાપુર ડેમ ખાતે ગઈ હતી અને તેની બહેનપણી પાછળ હતી ત્યારે જાનવીએ હસનાપુર ડેમમાં ઝંપલાવી લીધું હતું. બાદમાં હેબતાઈ ગયેલી તેની બહેનપણીએ તેના માતા-પિતા અને અન્યને જાણ કરી હતી બાદમાં પોલીસ અને જુનાગઢ ફાયર વિભાગ શોધખોળ શરૂ કરી હતી આ દરમિયાન આજે ત્રીજા દિવસે સવારે આ યુવતીનો મૃતદેહ મળી આવ્યો હતો. આ અંગે તાલુકા પીએસઆઇ એસએ ગઢવીએ જણાવ્યું હતું કે જાનવીબેન ને જેની સાથે પ્રેમ હતો તે યુવકની અન્ય સગાઈ થઈ ગઈ હતી આ બાબતનું લાગી આવતા તેણીએ ડેમમાં ઝંપલાવી લીધું હતું. ફાયર વિભાગના જણાવ્યા મુજબ મૃતદેહ જે સ્થળેથી મળી આવ્યો તે સ્થળે મગરના પણ વસવાટ છે પરંતુ મૃતદેહ ને કોઈ નુકસાન થયું ન હતું. આ બનાવથી પરિવારમાં ગમગીની વ્યાપી ગઈ હતી આ મામલે પોલીસે મૃતદેહના પીએમ રિપોર્ટ પછી આગળની કાર્યવાહી માટે તૈયારીઓ શરૂ કરી છે