IPLમાં પ્રથમ વખત રમી રહેલી લખનૌ સુપર જાયન્ટ્સ માટે આ સિઝન અત્યાર સુધી ખૂબ સારી રહી છે. લખનૌની ટીમ પ્લેઓફ માટે ક્વોલિફાય થવાની ઘણી નજીક છે, પરંતુ ટીમની છેલ્લી 2 મેચ ખૂબ જ ખરાબ રહી છે અને તેને હારનો સામનો કરવો પડ્યો છે અને લખનૌ માટે આ સિઝનમાં એક ખેલાડીનું પ્રદર્શન ઘણું ખરાબ રહ્યું છે, આ ખેલાડીને ટીમે 9.2 કરોડ રૂપિયામાં જાળવી રાખ્યો હતો.
લખનૌ સુપર જાયન્ટ્સે મેગા ઓક્શન પહેલા કેએલ રાહુલ, માર્કસ સ્ટોઈનિસ અને રવિ બિશ્નોઈને ખરીદ્યા હતા. માર્કસ સ્ટોઈનિસને ટીમ દ્વારા 9.2 કરોડ રૂપિયા આપવામાં આવ્યા હતા, પરંતુ માર્કસ સ્ટોઈનિસને ખરીદવાનો નિર્ણય ટીમ માટે હજુ સાચો સાબિત થયો નથી અને માર્કસ સ્ટોઈનિસ આ સિઝનમાં સતત ફ્લોપ રહ્યો છે. માર્કસ સ્ટોઈનિસ આ સિઝનમાં બેટ અને બોલ બંનેથી ફ્લોપ રહ્યો છે.
IPL 2022માં ઓસ્ટ્રેલિયાના ઓલરાઉન્ડર માર્કસ સ્ટોઈનિસ અત્યાર સુધી 9 મેચ રમી ચૂક્યો છે, આ મેચોમાં તેણે 21.00ની એવરેજથી માત્ર 147 રન જ બનાવ્યા છે, આ સિઝનમાં તેનો સર્વશ્રેષ્ઠ સ્કોર પણ અણનમ 38 રહ્યો છે અને બોલિંગમાં પણ માર્કસ સ્ટોઈનિસ લખનૌ સુપર જાયન્ટ્સ માટે કાંઈ ખાસ કરી શક્યો નથી. સ્ટોઇનિસે આ 9 મેચમાં માત્ર 1 વિકેટ લીધી છે અને 11.20ની ઇકોનોમીથી રન આપ્યા છે.
ઓસ્ટ્રેલિયાના ઓલરાઉન્ડર માર્કસ સ્ટોઈનિસ તેની આક્રમક બેટિંગ માટે જાણીતો છે પરંતુ આ સીઝનમાં તેણે અત્યાર સુધીમાં એવી રમત બતાવી નથી અને આ સિઝનમાં માર્કસ સ્ટોઈનિસને એક પણ અડધી સદી ફટકારી નથી. સ્ટોઇનિસ છેલ્લી સિઝનમાં પણ અડધી સદી ફટકારી શક્યો ન હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
