બોરસદ તાલુકાના સૈજપુર ગામની ચોંકાવનારી ઘટના સામે આવી છે અને સૈજપુરના મામા પીપળી પ્રાથમિક શાળામાં શિક્ષક દારૂ પીને આવતા હોબાળો મચી ગયો હતો.
શિક્ષક દારૂ પીને આવતા હોઈ બાળકોને ભણાવતા ના હોવાનો વાલીઓએ આક્ષેપ મૂકયો હતો. શિક્ષક દારૂ પીને શાળાએ આવે છે તેનો એક વીડિયો વાયરલ થયો છે અને 13 તારીખના રોજ બનેલી ઘટનાનો વીડિયો સોશિયલ મીડિયામાં વાયરલ થયો છે. 13મી તારીખે વાલીઓએ શાળામાં ખૂબ હોબાળો મચાવ્યો હતો.
શિક્ષકને સસ્પેન્ડ કરવાની ખાતરી આપતા મામલો થાળે પડયો હતો પરંતુ શિક્ષક સામે કોઈ પગલાં ભરવામાં ન આવતા વીડિયો વાયરલ કરવામાં આવ્યો છે અને આ વીડિયો સાથે શિક્ષકના પુત્રએ લખેલ કાગળ પણ વાયરલ થયો છે. કાગળમાં પુત્રએ શિક્ષક પિતાએ દારૂ પીધેલ હોઈ હું ઘરે લઈ જઈ રહ્યો છું તેવું લખાણ લખ્યું હતું.
તાલુકા શિક્ષણ વિભાગ દ્વારા શિક્ષકને છાવરતા વાલીઓમાં રોષ ભભૂકી ઉઠયો હતો અને 13 તારીખે બનેલી ઘટનાનો વીડિયો વાયરલ થયો છે. આ સમગ્ર ઘટના શિક્ષણ જગતને લાંછન લગાડતી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
