બે શખ્સોએ ટ્વેન્ટી-ટ્વેન્ટી વર્લ્ડકપના ભારત અને ઇંગ્લેન્ડના સેમીફાઈનલ મેચ ઉપર સટ્ટો શરૂ કર્યો હતો

પોરબંદરના એરપોર્ટ સામે સીતારામનગર રોડ ઉપર નંદઉપવન એ પાર્ટ મેન્ટના ફ્લેટમાંથી પોલીસે જુગારધામ પકડી પાડયું છે, જયાં બે શખ્સોએ ટ્વેન્ટી-ટ્વેન્ટી વર્લ્ડકપના ભારત અને ઇંગ્લેન્ડના સેમીફાઈનલ મેચ ઉપર સટ્ટો શરૂ કર્યો હતો. જેમાં સાંકેતિક નામ અને મોબાઇલ નંબરવાળા દસ શખ્સો સહિત બાર સામે ગુન્હો દાખલ થયો છે.

પોરબંદર લોકલ ક્રાઈમ બ્રાન્ચને એવી બાતમી મળી હતી કે, એરપોર્ટ સામે સીતારામનગર રોડ ઉપર નંઉપવન એપાર્ટમેન્ટના ફ્લેટ નં. ૭૦૪ માં ક્રિકેટના મેચ ઉપરનો જુગાર ચાલી રહ્યો છે. તેથી મુળ અડવાણાના તથા હાલ ફલેટ નં, ૭૦૪ માં રહેતા પ્રકાશ સાજણ કારાવદરા અને છાયા મહેરસમાજ સામે સાંઢીયાવાડમાં રહેતા મિતેશ દેવા ઓડેદરાએ આ ફલેટમાં પોતાના અંગત ફાયદા માટે જુગારધામ શરૂ કર્યું હોવાનું બહાર આવ્યું હતું. પોલીસે દરોડો પોંડીને બંન્ને શખ્સોને પકડી લીધા હતા. જેમાં એવો ગુન્હો દાખલ થયો છે કે આ બંન્ને ફલેટમાં પોતાના અંગત કાયદા માટે હાલમાં ચાલતા ૨૦-૨૦ ક્રિકેટ વર્લ્ડકપના ભારત અને ઈંગ્લેન્ડ ટીમોના સેમીફાઈનલ મેચ ઉપર ક્રિકેટ મેચનો સટ્ટો લેપટોપમાં અને નોટ બુકમાં સોદાઓ નાખી ક્રિકેટ મેચ ખેલાડીઓના સ્તર અને ઓવર ઉપર સટ્ટો રમી રમાડી રેઈડ દરમ્યાન રોડા રૂા. ૫૬૨૦/- તથા મોબાઈલ ફોન નંગ-૪ કિ. રૂા. ૧૬૦૦૦/- તથા લેપટોપ નંગ-૧ કિ.રૂા. ૧૦,૦૦૦ તથા ટી.વી. નંગ-૧ કીરૂા. ૧૦,૦૦૦/- તથા વાઈફાઈ નંગ-૧ કી રૂા. ૧૫૦૦/- તથા બોલપેન નંગ-૧ તથા ક્રિકેટ મેચના સાંકેતિક ભાષામાં અલગ અલગ તારીખોનો હિસાબ લખેલ બુક નંગ-૧ મળી કુલ રૂા. ૪૩,૧૨૦/-ના મુદામાલ સાથે આ બંન્ને શખ્સોની ધરપકડ કરી હતી

તેઓની પુછપરછ કરતા તેમની પાસેથી દસ શબ્દોના મોબાઈલ નંબર અને સાંકેતિક નામ પણ મળી આવ્યા હતા. તેથી દિનેશ મો. ૮૧૪૧૩ ૨૯૨૪૧, મો. ૮ ૨૦૦૭ ૬૫૪૮૧, પકો મો.નં. ૯૬૬૪૭ ૦૪૪૫, ૨૬ મો.નં ૯૯૦૯૦ ૬૨૬૯૫, ૭ મો. નં. ૭૯૯૦૫ ૬૦૦૦૭, ૨૪ મો.નં. ૯૧૦૬૬ ૬૬૧૨૯, ૨૫ મો.નં. ૯૯૦૪૦ ૧૫૩૦૧, દિપ૪ મો. નં. ૭૯૯૦૮ ૭૫૦૦૮, પી.એસ. મો.નં. ૯૦૩૩૯ ૨૩૦૬૩ અને ૨૭ મો.નં. ૯૮૯૮૭ ૬૬૫૮૫ વગેરે વપરાશકર્તાઓની સામે પણ ગુન્હો નોંધાયો છે. જેમાં પ્રકાશ કારાવદરા અને મિનેશ ઓડેદરાએ તેમના મો.નં. ઉપર ક્રિકેટ મેચના સટ્ટાનો જુગાર અંગે કપાત લઈને ક્રિકેટ મેચનો સટ્ટો રમાડી હાર જીતનો રોકડ રૂપિયા અંગેનો વહેવાર કરી જુગારનો અખાડો ચલાવી ગુન્હો કર્યો હોવાનું એફ.આઇ.આર. માં જણાવ્યું છે. લોકલ કાઈમ બ્રાન્ચ દ્વારા આગળની કાર્યવાહી હાથ ધરવામાં આવી છે.