ભાજપની એક સમયની સાથીદાર અને હવેની પ્રખર ટીકાકાર પાર્ટી શિવસેનાએ અમેરિકામાં ટ્ર્મ્પની હારને પણ ભાજપ સાથે જોડીને ટોણો માર્યો છે.
શિવસેનાએ પોતાના મુખપત્ર સામાનામાં કહ્યુ હતુ કે, અમેરિકામાં ટ્રમ્પની હાર બાદ ભારતે પણ તેમાંથી શીખવાની જરુર છે અને જો તેવુ થયુ તો દેશ માટે બહુ સારી વાત હશે.
શિવસેનાએ અમેરિકાની ચૂંટણીની સરખાણમી બિહારની ચૂંટણી સાથે કરતા કહ્યુ હતુ કે, ટ્રમ્પ રાષ્ટ્રપતિ બનવા માટે ક્યારેય લાયક નહોતા અને લોકોએ ચાર વર્ષ પહેલા કરેલી ભૂલ હવે સુધારી લીધી છે.અમેરિકાને કરેલો એક પણ વાયદો ટ્રમ્પે પૂરો કર્યો નથી.ભારતે પણ તેમાંથી શીખવાની જરુર છે.કોરોનાના કારણે અમેરિકામાં બેરોજગારી વધી ગઈ હતી પણ ટ્રમ્પે તેનો ઉકેલ શોધવાની જગ્યાએ બેકારોની મજાક ઉડાવી હતી.અમેરિકાની જેમ બિહારમાં પણ સત્તા પરિવર્તનના ભણકારા વાગી રહ્યા છે.નીતિશ કુમાર હાર તરફ છે, દેશના લોકો હવે ભ્રમમાંથી નિકળીને પરિવર્તન તરફ જઈ રહ્યા છે.
શિવસેનાએ વાત વાતમાં ભાજપ પર કટાક્ષ કરવાની સાથે સાથે તેજસ્વી યાદવની સરખામણી બાઈડેન સાથે પણ કરી નાંખી છે.
બિહાર વિધાનસભા માટે આવતીકાલે મતગણતરી થવાની છે અને અત્યાર સુધીના મોટાભાગના એક્ઝિટ પોલમાં આરજેડી તેમજ કોંગ્રેસના ગઠબંધનને લીડ મળે તેવી આગાહી કરવામાં આવી હોવાથી વિરોધ પક્ષો ગેલમાં આવી ગયા છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
