નેટફ્લિક્સની ડોક્યૂમેન્ટ્રી પેન્ડામિકથી ચર્ચામાં આવેલ અમેરિકન વૈજ્ઞાનિકનું કહેવું છે કે તેમની ટીમે કોરોના વાયરસની દવા શોધી લીધી છે. ડૉ.જેકબ ગ્લાનવિલેએ કહ્યું કે, સાર્સ પેદા કરનાર વાયરસની સામે ઉપયોગમાં લેવામાં આવેલી એન્ટીબોડીસ દ્વારા તેમને સફળતા મળી છે.
ડેલી મેલની રિપોર્ટ અનુસાર, કેલિફોર્નિયામાં રહેનાર ફિઝિશિયન અને ડિસ્ટ્રીબ્યૂટેડ બાયોના સીઈઓ ડૉ.જેકબે કહ્યું કે, તેમને જણાવતા ખુશી થઈ રહી છે કે એન્જિનિયરિંગનું કામ પૂરુ કરી લેવામાં આવ્યું છે. અમારી પાસે એક પ્રભાવશાળી એન્ટીબોડી છે જે કોરોનાની સામે કામ કરી શકે છે.
તેમણે કહ્યું કે, તેમની ટીમે સાર્સની સામે 2002માં ઉપયોગમાં લેવાયેલ 5 એન્ટીબોડીનો ઉપયોગ કર્યો છે. આ એન્ટીબોડી દ્વારા તેમને કોરોના વાયરસની સારવાર શોધવાની કોશિશ કરી. SARS-CoV-2 અને COVID-19 એક જ પરિવારના વાયરસ છે. અત્યાર સુધીમાં અમે એન્ટીબોડીના લાખો વર્ઝન તૈયાર કરી ચૂક્યા છે. તેને મ્યૂટેટ પણ કરવામાં આવ્યું છે. નવા એન્ટીબોડીઝનું માણસો પર પરીક્ષણ થયા પછી તેનો ઉપયોગ કોરોના વાયરસની સામે કરી શકાશે. પરીક્ષણમાં સફળ થયા પછી સરકારી એજન્સીઓ પાસે તેની મંજૂરી માટે મોકલી શકાશે.
તેમણે કહ્યું કે, આ એન્ટીબોડીઝ એસ-પ્રોટીન્સને બાઈન્ડ કરે છે, જેના દ્વારા કોરોના વાયરસ શરીરમાં પ્રવેશ કરે છે. બધી રિસર્ચ ફરી શરૂ કર્યા પછી એન્ટીબોડી તૈયાર કરવામાં વધારે સમય લાગી શકે છે. માટે તેમણે પહેલાથી જ મોજૂદ એન્ટીબોડીનો ઉપયોગ કર્યો છે. જો તેનું પરીક્ષણ સફળ થશે તો શોર્ટ ટર્મ માટે તેનો ઉપયોગ કરી શકાશે. અસલ વેક્સીન લોકોની આજીવન રક્ષા કરે છે. પણ શોર્ટ ટર્મ વેક્સીન 10 વર્ષ સુધી સુરક્ષા આપી શકે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
