કોલેજમાં અભ્યાસ કરતી ૧૭ વર્ષની તરુણી પર ચોકીદારે ત્રણ વખત બળાત્કાર કર્યો: માતાને જાણ થતાં પોલીસમાં નોંધાવી ફરિયાદ..

રાજકોટના યુનિવર્સિટી રોડ વિસ્તારમાં આવેલા પામસિટી એપાર્ટમેન્ટમાં ઘરકામે જતી તરૂણી પર તે જ એપાર્ટમેન્ટમાં ચોકીદારીનું કામકાજ કરતા શખ્સે તરુણી પર નજર બગાડી ધાક ધમકી આપી ત્રણ વખત બળાત્કાર ગુજાર્યો હતો.જે વાતની જાણ તરુણીની માતાને થતા તેને પોલીસમાં ફરિયાદ નોંધાવી છે. વિગતો અનુસાર યુનિવર્સિટી પોલીસ સ્ટેશનમાં મહિલાએ ફરિયાદ નોંધાવી હતી જેમાં તેની 17 વર્ષની પુત્રી પર હિતેષ બ્રહ્મભટ્ટ નામના શખ્સ દુષ્કર્મ આચર્યાનું જણાવ્યું હતું. મહિલાએ ફરિયાદમાં જણાવ્યું હતું કે, તેની 17 વર્ષની પુત્રી પરિવારને આર્થિક મદદરૂપ થવા માટે પારકા ઘરના કામ કરતી હતી, તરૂણવયની પુત્રી પામસિટી એપાર્ટમેન્ટના ફ્લેટમાં ઘરકામે જતી હતી ત્યારે તે એપાર્ટમેન્ટના ચોકીદાર હિતેષ બ્રહ્મભટ્ટની તેના પર નજર પડી હતી, શરૂઆતમાં તરૂણી સાથે સામાન્ય વાતચીત કરી પરિચય કેળવ્યો હતો અને ત્યારબાદ તારા ભાઇને મારી નાખીશ તેવી ધમકી આપી તરૂણી પર શારીરિક અત્યાચાર ગુજારવાનું શરૂ કર્યું હતું. ચોકીદાર હિતેષ બ્રહ્મભટ્ટે એપાર્ટમેન્ટના રૂમમાં જ તરૂણી પર ત્રણ વખત દુષ્કર્મ આચર્યું હતું અને જો સગીરા તાબે ન થાય તો ધમકી આપતો હતો, હિતેષના કરતૂતોથી કંટાળેલી તરૂણીએ અંતે આપવીતી તેણી માતાને વણવતા તેઓએ આ અંગે પોલીસમાં ફરિયાદ નોંધાવતા પોલીસે ચોકીદાર વિરુદ્ધ ગુનો નોંધી આગળની કાર્યવાહી હાથ ધરી છે.