ઈન્ડિયન પ્રીમિયર લીગની તર્જ પર મહિલાઓ માટે શરૂ થયેલી ટી20 લીગની બીજી સિઝન રોયલ ચેલેન્જર્સ બેંગ્લોરના નામે રહી. સતત બીજી વખત ફાઇનલમાં પહોંચતા દિલ્હી કેપિટલ્સનું ટાઇટલ જીતવાનું સપનું ફરી એકવાર ચકનાચૂર થઇ ગયું.
નવી દિલ્હી. ઈન્ડિયન પ્રીમિયર લીગની તર્જ પર મહિલાઓ માટે શરૂ થયેલી ટી20 લીગની બીજી સિઝન રોયલ ચેલેન્જર્સ બેંગ્લોરના નામે રહી. સતત બીજી વખત ફાઇનલમાં પહોંચતા દિલ્હી કેપિટલ્સનું ટાઇટલ જીતવાનું સપનું ફરી એકવાર ચકનાચૂર થઇ ગયું. ઓસ્ટ્રેલિયા માટે 7 આઇસીસી ટ્રોફી જીતનારી મેગ લેનિંગ આ હાર બાદ ખૂબ જ ઉદાસ દેખાઇ હતી. તે ડકઆઉટમાં રડતી જોવા મળી હતી.
વિમેન્સ પ્રીમિયર લીગની બીજી આવૃત્તિમાં રવિવાર 17 માર્ચે રમાયેલી અત્યંત રોમાંચક મેચમાં રોયલ ચેલેન્જર્સ બેંગ્લોરે વિજય નોંધાવીને ઈતિહાસ રચ્યો હતો. પ્રથમ વખત તે આ ટાઇટલ જીતવામાં સફળ રહી હતી. આ સાથે સુકાની સ્મૃતિ મંધાનાએ પણ ફ્રેન્ચાઈઝીના ટ્રોફી જીતવાના ચાલી રહેલા દુકાળનો અંત આણ્યો હતો. પ્રથમ બેટિંગ કરવા ઉતરેલી દિલ્હીની ટીમે સારી શરૂઆત કર્યા બાદ સતત વિકેટ ગુમાવવાના કારણે માત્ર 113 રનમાં જ ઓલઆઉટ થઈ ગઈ હતી. આરસીબીએ 19.3 ઓવરમાં 2 વિકેટ ગુમાવીને જીત મેળવી હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
