ઉત્તર પ્રદેશના અલીગઢમાં ટ્રક અને બસ વચ્ચેની ટક્કરથી એક મોટો માર્ગ અકસ્માત થયો છે. આ દરમિયાન 5 મુસાફરોના મોત થયા હતા અને 15 લોકો ઘાયલ થયા હોવાનું કહેવાય છે. યમુના એકસપ્રેસ-વે નંબર 56 પર એક ડબલ ડેકર ખાનગી બસ પાછળથી બિયરની બોટલોના ભંગારથી ભરેલી ટ્રક સાથે અથડાઈ હતી. ટ્રક સાથે અથડાયા બાદ બસના ટુકડા થઈ ગયા હતા. અકસ્માતમાં મૃત્યુ પામેલાઓમાં પાંચ મહિનાનું બાળક, એક મહિલા અને ત્રણ પુરૂષોનો સમાવેશ થાય છે.
મૃતદેહને પોસ્ટમોર્ટમ માટે મોકલી આપવામાં આવ્યા
મુસાફરોથી ભરેલી ડબલ ડેકર ખાનગી બસ દિલ્હીથી આઝમગઢ જઈ રહી હતી. અકસ્માત બાદ મૃતકોના મૃતદેહ બસની અંદર ફસાયેલા જોવા મળ્યા હતા. બસમાં મુસાફરી કરી રહેલા લોકો જે અકસ્માત બાદ જીવિત હતા તેઓ બારીના કાચ તોડીને બહાર આવ્યા હતા. માહિતી મળ્યા બાદ પોલીસ ઘટનાસ્થળે પહોંચી અને તમામ ઘાયલોને બચાવીને જેવરની કૈલાશ હોસ્પિટલમાં લઈ ગયા. આ ઉપરાંત પાંચેય મૃતકોના મૃતદેહને કબજે કરીને પોસ્ટમોર્ટમ માટે મોકલી આપવામાં આવ્યા હતા.
અકસ્માતમાં જીવ ગુમાવનારા પાંચ લોકોમાંથી ત્રણની ઓળખ થઈ ગઈ છે અને મૃતકો અજાણ્યા હોવાનું કહેવાય છે. અકસ્માતનો ભોગ બનેલી બસ ફૈબાદની ક્રિષ્ના ટ્રાવેલ્સની હોવાનું કહેવાય છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
